Toleransa Çînê ji bo serxwebûna Taywanê tune ye

Çay Îng-Wena ku di hilbijartinên serokatiyê yên dawî de bi ser ket, careke din bû seroka Taywanê.

Lê dema nû ya serok Îng-Wen, bi mezinbûna aloziya bi Çînê re dest pê kir.

Wezîrê Karên Derve yên Amerîkayê Mike Pompeo, di roja ewilî de ji bo serfiraziya hilbijartinê Îng-Wengê pîroz kir û pesnê sîstema demokratîk a Taywanê da.

Çay Îng Wen

Helbet Çîn li hember vê helwestê bê deng nema û bi tundî nerazîbûna xwe îfade kir.

Rêvebiriya Çînê da xuyakirin, Taywan parçeyeke Çînê ye û xwest ti  dewleteke din têkilî nava karûbarê vê giravê nebe.

Û Pekînê bang li Taywanê jî kir, dev ji serhişkiya xwe berde û were di bin banê neteweya Çînê de ciyê bigire.

Lîdera serfiraz a hilbijartina Taywanê xweziya Çînê di gewriya wê de hişt û got, ew ê tu carî bi Çînê re nebin yek.

Serok Îng-Wen diyar kir, ew naxwazin sîstema xwe ya demokratîk bikin qurbana yekitiya bi Çînê re.

Taywan bi awayekî dîrokî parçeyekî Çînê tê hesibandin û gelê vê giravê bi zimanê çînî dipeyive.

Rêvebiriya Pekînê pêşniyaz dike bi yekîtiya her du aliyan welatekî yekpare were damezirandin lê di berdêla vê de jî bila pergala kapîtalîst û demokrasiya bûrjûwa a li Taywanê bidome.

Lê rêvebiriyên Taywanê tu carî qîma xwe bi gotinên Çînê naynin û ji bo piştraskirina vê helwesta xwe zextên Çînê yên li ser Hong Kongê nîşan didin. 

About infowelat.com

Check Also

 Belfast salvegereke din a  Orange li dûv xwe hişt

Bernameyên 12’ê Tîrmehê ya li Îrlandaya Bakur, her sal bi mebesta pîrozkirina serkeftina qral Williamê …