Partîya Çep a Ewrûpî destekê da medyaya kurd

Partiya Çep a Ewrûpayê serdegirtina polîsan a li ser televizyonên kurd şermezar kir.

Partîyê got, bi vê serdegirtinê pîvanên hiqûqê yên Ewrûpa û Belçîkayê yên bingehîn hatine binpêkirin.

Partiya Çep a Ewrûpayê (The European Left) serdegirtina polîsan a li ser televizyonên kurd şermezar kir.

Partîyê bi daxuyanîyeke derbarê mijarê de dîtinên xwe îfade kirin.

Di daxuyanîyê de wiha hat gotin:

”Ev serdegirtinên hêzên çekdar bi îmhakirina amûrên nûçegihaniyê bi encam bû, ne tenê rêgezên azadiya çapemeniyê bin pê dikin, her wiha pîvanên hiqûqê yên Ewrûpa û Belçîkayê yên bingehîn jî binpê dikin.”

Partîya Çep a Ewrûpî balê kişand ser serdana Belçîkayê ya ji aliyê şandeyeka payebilind a Tirkiyeyê jî û got, vê serdanê “fikarên derbarê hevkarîya navneteweyî ya ji bo tepisandina dengê kurdan zêde kirîye.”

Di daxuyanîyê de pêdivîya dayîna daxuyanîyekê ya ji aliyê Belçîkayê ve jî bi van gotinan derket pêş:

“Em ji rêveberên Belçîkayê dixwazin, derbarê van kiryarên nehiqûqî de îzeheka têrtije bidin û berpirsîya xwe qebûl bikin.”

Partîya Çep a Ewrûpî di dawîya daxuyanîyê de got, ew ê desteka xwe ya ji bo hemû rojnemevan û sazîyên medyayê ku ji bo agahdarkirina civakê xebatê dikin, bidomînin.

Serdagirtinên bi ser medyaya kurd de

Polîsên Belçîkayê saet di 1:30ê şevê de bi ser studyoyên her du televîzyonan ên li bajarê Denderleeuwê ve girtibûn.

Televîzyonên kurd Stêrk TV û Medya Haber TVyê di 23ê nîsanê de rastî serdegirtina polêsan hatibû.

Polîsên Belçîkayê saet di 1:30ê şevê de bi ser studyoyên her du televîzyonan ên li bajarê Denderleeuwê ve girtibûn.

Di serdagirtinê de ji bo weşan bê sekinandin kabloyên elektrîk, rejî û kompûteran hatibûn birîn.

Herwiha polîsan gelek derîyên li navendê şikandibûn û dest danîbûn ser hin alavên televîzyonan.

——————————–

Foto: Logoya Partîya Çep a Ewrûpî

Infowelat

Derbarê infowelat.com

Li vê jî binêre

Sempozyûma Zimanê Kurdî ya Wanê

Samî Tan: “Tunekirina ziman di encama polîtîkayên qirkirina zimanî de pêk tê. Rewşa nemana ziman …