Bakurê Katalonyayê daxwaza “statuya taybet” kir

Bakurê Katalonyayê bi çalakiyeke girseyî ji Fransayê statuyeke taybet daxwaz kir.

Di çarçoveya vê statuyê de daxwaz ev e: Nasnameya çandî û zimanî ya herêmê bê naskirin.

Bakurê Katalonyayê ji bo parastina zimanê Katalanî di nava hewldanan de ye.

Li bajarê Perpignan ê li herêmê 2,000 kes ji bo statuyeke taybet a ziman çalakî lidarxistin.

Çalakiya girseyî pêr ango rojek beriya Roja Bakurê Katalonyayê de pêk hat.

Çalakgerên Katalan di çarçoveya statuya taybet de daxwaza naskirina nasnameya çandî û zimanî ya herêmê kirin.

Di çalakiyê de ji bilî parastina ziman, daxwazên sosyal-polîtîk ên komên siyasî yên Katalan jî derket pêş.

Çalakger vê sloganê berz kirin:

Ji bo Katalanî, ji bo sosyalîzmê, ji bo femînîzmê, xweza û serxwebûna Welatên Katalan!

Têkoşîn nebe Welatên Katalan nabe serbixwe!

7 Mijdarê Roja Bakurê Katalonyayê tê qebûlkirin.

Paşxaneya vê rojê xwe dispêre Peymana Pîreneyê ku di 7’ê Mijdara 1659’an de di navbera Îspanya û Fransayê de hatibû morkirin.

Bi vê peymanê, Katalonya hatibû parçekirin û Bakurê Katalonyayê ketibû bin kontrola Fransayê.

Ji wê rojê û pê ve, saziyên li Bakurê Katalonyayê hatibûn qedexekirin, zimanê Fransî li herêmê hatibû serdestkirin û bikaranîna Katalanî ya ji aliyê civakê gav bi gav kêm bûbû.

Ku der e Bakurê Katalonyayê?

Bakurê Katalonyayê ji aliyê dîrokî û çandî ve beşeke Katalonyayê ye. Mezinbûna herêmê 4 116 km2  ye û di 450,000 mirov li herêmê dijîn.

Bakurê Katalonyayê ji aliyê dîrokî û çandî ve beşeke Katalonyayê ye. Mezinbûna herêmê 4 116 km2  ye û di 450,000 mirov li herêmê dijîn.

Bakurê Katalonyayê ji çend bajar û navçeyên li bakurê Çiyayê Pîreneyan pêk tê. /Harîte: Terra Nostra

Belediyeyên li Bakurê Katalonyayê ji bo pêşiya bikaranîna Katalanî vekin îsal rêziknameyên xwe guherandibûn.

Lêbelê li ser giliyê parêzgeha Pyrenees-Orientalesê Dadgeha Îdarî ya Montpelierê li dijî bikaranîna Katalanî biryarê dabû.

Di biryarê de hatibû gotin, Destûra Bingehîn Fransî wekî “zimanê komarê” pênase dike û lewma jî di karûbarên gelemperî de zimanekî din nikare bê bikaranîn.

————-

Foto: Dîmena çalakiy ali Perpignanê /Jornalet

Infowelat

Derbarê infowelat.com

Li vê jî binêre

Macron bi şerê navxweyî gef li Fransayê xwar

Serokê Fransayê Macron bi “şerê navxweyî” gef li Fransayê xwar. Macron got, eger rasta radîkal …