Infowelat Enformasyon Ji Bo Welat
Gotarên Têkildar
Li navenda Amedê û heşt navçeyên wê ji bo hilbijartina namzetên şaredariyê yên BDP’ê, pêşhilbijartin hat li dar xistin. Ji her derdorên civakê nêzîkî 12,000 delege di 24’ê mehê de ji bo diyarkirina namzetan dengê xwe bi kar anîn.
Li navenda Amedê delegeyên her navçeyê li ciyên cuda ku ji bo her navçeyê hatibû diyarkirin, çûn ser sindoqan û dengên xwe bi kar anîn. Pêşhilbijartinên ji bo navenda bajêr di navbera 8:00 û 17:00’an de li Salona Resepsiyona Qada Jiyanê ya Sumerparkê, li Salona Sporê ya Baxlerê, li Navenda Çandê ya Cegerxwînê, Salona Şano ya Şaredariya Bajarê Mezin hat li dar xistin.
Bi tevahî 158 namzet ji bo şaredartiyê ketin pêşbirkê ku hejmara wan li gorî navçeyan wiha ne: Baxler 8, Bismil 11, Çinar 7, Farqîn 11, Çêrmûk 6, Hezro 12, Karaz 15, Hêne 9 û Erxenî 24, Peyas 13, Yenîşehîr 9, Egil 1 û Çingûş 1. Li navçeyên din ên mayî ku pêşhilbijartin nehatin kirin, wê namzet bi riya liberçavgirtina temayula gel û biryara navenda giştî ya BDP’ê bên diyarkirin.
Encama pêşhilbijartina navçeyên hatin eşkerekirin wiha ye:
Bajarê Mezin: Gultan Kisanak
Baxler: Bîrsen Kaya Akat
Bismil: Cemîle Emînoglû
Çinar: Ahmet Cengîz
Farqîn: Yuksel Bûdakçi
Licê: Rezan Zoxurlu
Peyas: Mehmet Alî Aydin
Sûr: Seyît Narîn
Yenîşehîr: Selîm Kurbanoglû
