Infowelat Enformasyon Ji Bo Welat
Gotarên Têkildar
Gelo Îspanya ji bo Katalanî, Baskî û Galîsî bibin zimanên fermî yên Yekitiya Ewrûpayê wê xebatê bike?
Lîderê PSOE (Partiya Karkeran a Sosyalîst a Îspanyayê) Pedro Sanchez diyar kir, ew ê ji bo vê gav bavêjin.
Îspanya diyar dike, ji bo Katalanî, Baskî û Galîsî bibin zimanên fermî yên saziyên Yekitiya Ewrûpayê wê gav bavêje.
Li gorî vê, xebata bikaranîna her sê zimanan a li Brukselê wê di dema serokatiya Îspanyayê ya di Yekitiya Ewrûpayê de pêk were.
Lîderê PSOE (Partiya Karkeran a Sosyalîst a Îspanyayê) Pedro Sanchez di Parlamentoya Îspanyayê de li ser vê mijarê axivî.
Sanchezê ku beriya hilbijartina giştî ya di 23’yê Tîrmehê de serokwezîrê Îspanyayê bû, wiha axivî:
“Em divê bizanibin zimanên fermî yên li Îspanyayê nirxeke civaka me ne. Îspanya bi Îspanyolî diaxive. Lê Îspanya di heman demê de bi Katalanî, Baskî û Galîsî jî diaxive. Lewma jî wezîfeya me xurtkirina qadên temsîliyet, bikaranîn, û fêrkirina zimanên Îspanyayê ne.”
Îspanya di 1’ê Tîrmehê de serokatiya Yekitiya Ewrûpayê bi dest xistibû.
PSOE ku beriya hilbijartinê li ser kar bû, dixwaze careke din hukumeteke koalîsyonê ava bike.
Bi vê mebestê jî pêdiviya vê partiya serxwebûnxwaz a Katalan Juntsê heye.
Ev jî destûrê dide, hukumeta Îspanyayê meseleya fermîbûna her sê zimanên Îspanyayê bike mijareke girîng ê rojeva Yekitiya Ewrûpayê.
PSOE ku beriya hilbijartinê li ser kar bû, dixwaze careke din hukumeteke koalîsyonê ava bike.
Bi vê mebestê jî pêdiviya vê partiya serxwebûnxwaz a Katalan Juntsê heye.
Junts partiya serokê berê yê Katalan Carles Puigdemont e û di Parlamentoya Îspanyayê de xwedî 7 wekîlane.
Els punts cardinals de la nostra posició no han variat, per més pressions i corredisses de darrera hora que hi hagi, i algun insult que se'ls descontrola. És a dir: no tenim cap confiança en els partits polítics espanyols, tota precaució és poca i les promeses no ens escalfen ni…
— krls.eth / Carles Puigdemont (@KRLS) August 16, 2023
Puigdemont: Qîmeta sozan tune ye
Meseleya fermîbûna Katalanî ya di Parlamentoya Ewrûpayê de cara ewil saleke berê hatibû rojeva hevdîtinên Îspanya-Katalonyayê.
Nûnerên hukumeta Îspanyol di hevdîtinên di çarçoveya diyaloga bi Katalanan re hatibûn lidarxistin soz dabûn, ew ê ji bo vê meseleyê bixebitin
Lê Puigdemont bi biryare, heta tawizan bi dest nexe, destekê nede tu partiyên Îspanyayê.
Lîderê Katalan di parvekirineke xwe ya di medyaya sosyal de derbarê sekna xwe de wiha nivîsî:
“Baweriya me bi partiyên siyasî yên Îspanyol tune ye. Sozên tên dayîn ne dilê me xweş dike ne jî dilê me sar dike.”
Meseleya fermîbûna Katalanî ya di Parlamentoya Ewrûpayê de cara ewil saleke berê hatibû rojeva hevdîtinên Îspanya-Katalonyayê.
Nûnerên hukumeta Îspanyol di hevdîtinên di çarçoveya diyaloga bi Katalanan re hatibûn lidarxistin soz dabûn, ew ê ji bo vê meseleyê bixebitin.
Digel vê jî çendekî berê derketibû holê, tu hukumetên Îspanyayê ji bo fermîbûna Katalanî daxwazeke fermî ji Yekitiya Ewrûpayê nekiriye.
Infowelat
———————
Foto: Logoya Parlamentoya Ewrûpayê. /Wikipedia
