Têkiliya katalanbûn û zanîna ziman li Katalonyayê xurt e.
Ji % 55ê welatiyên li Katalonyayê radigihînin, “ji bo katalanbûnê divê mirov bibe endamê komeke çandî û zimanî.”
Piranîya kesên katalanbûn û katalanî bi hev ve girê didin, ciwan in û xwedî asta xwendina bilind in.
Ji nîvê zêdetir katalan di wê bawerîyê de ne, katalanbûn bi ziman re eleqeder e.
Ji % 55ê welatiyên li Katalonyayê radigihînin, “ji bo katalanbûnê divê mirov bibe endamê komeke çandî û zimanî.”
Ev înformasyona balkêş bi rapirsîyekê hat bidestxistin û ji alîyê Plataforma per la LLenguayê ve hat ragihandin.
Rapirsîya ji alîyê GESOPê ve hatîye kirin, giringiya ziman a ji bo katalanan nîşan dide.
Bi tenê, ji % 34.4ê nifûsê di wê bawerîyê de ne, “katalanbûn bi şertûmercên hiqûqî û admînîstratîf (îkameta di nava sînorên Katalonyayê de) re eleqeder e.
Têkiliya katalanbûn û ziman di nava kesên bi katalanî diaxivin de hildikişe ji % 65an.
Ji vê komê bi tenê ji % 26.3 katalanbûnê “bi şert û mercên hiqûqî û admînîstratîf” ve girê didin.

Ziman û serxwebûnxwazî
Rapirsî nîşan dide ku koma herî zêde ji têkiliya katalanbûn û ziman bawer dike, endamên partîyên serxwebûnxwaz in.
Piranîya van kesan ciwan in û xwedî asta xwendina bilind in.
Li gorî rapirsîyê, ji duyan sê endamên Junts per Catalunya, CUP û ERCê katalanbûn û zanîna ziman bi hev ve girêdidin.
Ev rêje di nava alîgirên partiyên rastgir û çepgir ên li dijî serxwebûnê ne dadikeve ji % 40î ne.
Tevgera zimanê katalanî Plataforma per la Llengua di nirxandina derbarê anketa dawî de got “Pênasekirina kolektîf a ziman re, bawerîya ku katalanbûn parçeyeke nasnameya civakê ye hewldanên biçûkirina nirxê katalanî asteng dike.”
—————————————–
Foto: Diaridelallengua.cat
Infowelat