Li Brazîlê serkeftin bû para Lula

Lula da Silva 51 ji % dengan wergirt û namzetê rastgir û Jair Bolsonaro têk bir.

Lulayê di navbera 2003-2010’an de serokatiyê kiribû, dîsa bû xwedî mafê serokatiya welêt.

Tûra duyemîn a hilbijartina giştî ya Brazîlê bi serkeftina namzetê çepgir Luiz Inacio Lula de Silva bi dawî bû.

Lula da Silva 51 ji % dengan wergirt û namzetê rastgir û Jair Bolsonaro têk bir.

Ji bo hilbijartinê 124 milyon hilbijêrên brazîlî dengên xwe bi kar anîn.

Tam 60 milyon welatiyên çûn ser sindoqê dengên xwe dan Lula da Silva.

Bolsonaro jî bi 58 milyon dengan bû xwediyê 49 ji % dengan.

Bi vê encamê hêviyên Bolsonaro ya dirêjkirina dema xwe ya serokatiyê hilweşiyan.

Lulayê di navbera 2003-2010’an de serokatiyê kiribû, dîsa bû xwedî mafê serokatiya welêt.

Piştî hilbijartinê lîderê têkçûyî Bolsonaro xwe li bêdengiyê danî û pîrozbahiyê li wir bihêle, li têkçûna xwe mukur nehat.

Piştî serkeftina hilbijartinê Lula axaftinekê kir û peyamên aramî û yekitiya da.

Lula da Silva soz da, wê welatê ji aliyê siyasî bûye du parçe ji nû ve bike yek.

Siyasetmedarê serfiraz ji bo parastina daristanên Amazonê banga hevkariyê li qada navneteweyî kir.

Herwiha Lula da Silva diyar kir, Brazîl wê di têkoşîna li dijî germahiya avhewayê de rola dikeve ser wê pêk bîne.

Piştî serkeftina di hilbijartinê de lîderên welatên mezin ên cîhanê yek bi yek bi mesajên xwe Lula da Silva pîroz kirin.

Bolsonaro pîroz nekir

Lêbelê lîderê têkçûyî Bolsonaro xwe li bêdengiyê danî û pîrozbahiyê li wir bihêle, li têkçûna xwe mukur nehat.

Ev jî li Brazîlê fikarên derbarê aloziyeke muhtemel a piştî hilbijartinê têne rojevê.

Di kampanyaya hilbijartinê Bolsonaro ajîtasyona siyasî ya li dijî Lula da Silva derxistibû asta herî bilind û alîgirên xwe sor kiribû.

Beriya niha li Meksîkayê Lopez Obrador, li Arjantînê Alberto Fernandez, li Şîliyê Gabriel Boric û li Kolombiyayê Gustavo Petro hatibûn ser kar.

Serkeftina Lula û Amerîkaya Latîn

Bi serkeftina Lula da Silva, Brazîl bû welatê pêncemîn ku lîdereke çepgir hate ser kar.

Beriya niha li Meksîkayê Lopez Obrador, li Arjantînê Alberto Fernandez, li Şîliyê Gabriel Boric û li Kolombiyayê Gustavo Petro hatibûn ser kar.

Hêjayî gotinê ye, ev her pênc welat jî ji aliyê aboriyê de welatên herî mezin ên li parzemîna Amerîkaya Latîn in.

About infowelat.com

Check Also

Brîtanyayê pêşiya serxwebûna Skotlandê girt

Dadgeha Bilind a Brîtanyayê daxwaza referandûma duyemîn a hukumeta Skotlandê red kir. Serokê dadgehê Robert …