Infowelat Enformasyon Ji Bo Welat
Gotarên Têkildar
Duh li bakurê Kurdistanê û Tirkiyeyê çalakîyên ji bo zimanê kurdî hatin lidarxistin.
Daxwaza hevpar a çalakîyan perwerdeya bi zimanê kurdî ya li dibistanên fermî bû.
Bi minasebeta destpêka sala perwerdeyê, li bakurê Kurdistanê û Tirkiyeyê çalakîyên ji bo zimanê kurdî hatin lidarxistin.
Daxwaza hevpar a çalakîyan perwerdeya bi zimanê kurdî ya li dibistanên fermî bû.
Ji dewletê statuya ji bo kurdî û rêlibervekirina perwerdeya bi kurdî hat daxwazkirin.
Çalakîya li Wanê bi beşdarî û coşa gel îsal herî zêde balê kişand ser xwe.
Çalakîya li vî bajarê bakur di 17:30 de li kolana hunerê bi daxuyaniyê destpêkir.
Paşê, meşeke ku bi sedan kes tevlî bûn hat lidarxistin.
Meş heta sazîya ziman Arsîsayê berdewam kir û 25 sazîyên kurd tevlî vê çalakîyê bûn.
Çend parlamenter û hevşaredarên DEM Partîyê di meşê de cîyê xwe girtin.
Bila zimanê Kurdi bibe zimanê fermî û perwerdehiyê” slogana sereke ya çalakîyê bû.
Daxuyanîya ku ji daxwazên ji bo ziman pêk dihat, ji alîyê aktîvîsta TJAyê Rojbîn Bor ve hat xwendin.
Di daxuyanîyê de daxwaza statu û perwerdeya bi zimanê kurdî hat kirin.
Di çalakîya li Wanê pankartan wekî “Bê ziman jiyan nabe”, “Zimanê min welatê min e” û “Zimanê me rûmeta me ye” hatin hilgirtin.
—————————————-
Foto: Dîmeneke ji çalakîya ziman a li Wanê/ANF
Infowelat
