Infowelat Enformasyon Ji Bo Welat
Gotarên Têkildar
Puigdemont duh bi daxuyaniyekê şertên xwe yên ji bo muzakereyên bi PSOE’yê re diyar kir.
Lîderê Katalan got, divê hemû dozên Îspanya li hemberê wî û serxwebûnxwazan daye destpêkirin, bê betalkirin.
Duyemîn şertê Puigdemont derbarê naskirina encamên referandûma serxwebûnê ya 2017’an bû.
Puigdemont di heman demê de ji Îspanyayê daxwaz kir, “zilma” xwe ya li ser Katalanî û çanda Katalan bidawî bike.
Îspanyaya di nava krîza siyasî de ye nîqaşên ji bo avakirina hukumeta berdewam dike.
PSOE (Partiya Sosyalîst a Karkeran a Îspanyayê) ku di hilbijartinê de bûbû partiya duyemîn, dixwaze bi koalîsyonekê careke din were ser kar.
Ji ber ku dengên du partiyên çep têr nakin, pêdiviya PSOE’yê bi desteka partiyên Katalan û Bask heye.
Tê ragihandin, herî zêde desteka Partiya Junts ku serxwebûna Katalonyayê dixwaze, ji bo hukumetekê pêwîst e.
Lewma jî vê partiyê û lîderê wê yê berê Carles Puigdmont di demên dawî de herdem di rojeva Îspanyayê de ne.
Puigdemont ku di heman demê de serokê berê yê Katalonyayê bû, duh bi daxuyaniyekê şertên xwe yên ji bo muzakereyên bi PSOE’yê re diyar kir.
Puigdemont di daxuyaniya xwe ya çapemeniyê de got, “em ji bo hilbijartinan amade ne lê em ji bo muzakereyên dikare peymaneke dîrokî jî bi xwe re bîne amade ne.”
Lîderê Katalan di daxuyaniya li Brukselê diyar kir, ji bo desteka partiya wî divê hemû dozên Îspanya li hemberê wî û serxwebûnxwazan daye destpêkirin, bê betalkirin.
Puigdemont da zanîn, Îspanya heta efûyekê ji bo wan ranegihîne ew ê dest bi hevdîtinên ji bo hukumetê nekin.
Duyemîn şertê Puigdmont derbarê naskirina encamên referandûma serxwebûnê ya 2017’an bû.
Referandûma navborî ji aliyê Destûra Bingehîn a Îspanyayê ve hatibû betalkirin û li hemberê pêşengên referandûmê zilmeke siyasî hatibû meşandin.
Şertê sêyemîn li ser helwesta Îspanyayê ya li hember ziman û çanda Katalan bû.
Serokê berê yê Katalan got, divê Îspanya “zilma” xwe ya li ser Katalanî û çanda Katalan bidawî bike.
Puigdemont penabereke polîtîk e
Carles Puigdemont piştî referandûma serxwebûna Katalonyayê neçar mabû terka welêt bike û ji Belçîkayê mafê penaberiyê daxwaz bike.
Puigdemontê ku niha wekîlê Parlamentoya Ewrûpayê, tevlî 2 nûnerên din ên Katalan 6 sal in li Belçîkayê dijî.
Carles Puigdemont piştî referandûma serxwebûna Katalonyayê neçar mabû terka welêt bike û ji Belçîkayê mafê penaberiyê daxwaz bike.
Di Cotmeha 2017’an de li Katalonyayê, bi awayekî yekalî referandûmeke serxwebûnê hatibû lidarxistin.
Ji 42 ji % hilbijêrên Katalan tevlî referandûmê bûbûn û piraniya hilbijêran dengên xwe ji bo serxwebûnê bi kar anîbûn.
Piştî referandûmê, Îspanya li dijî lîderên Katalan operasyoneke berfireh meşandibû û li çend lîderan cezayên giran birîbû.
Puigdemontê ku niha wekîlê Parlamentoya Ewrûpayê ye, tevlî 2 nûnerên din ên Katalan 6 sal in li Belçîkayê dijî.
Foto: Carles Puigdemont /Jêder: Vilaweb
