Infowelat Enformasyon Ji Bo Welat
Gotarên Têkildar
Serokê Amerîkayê Joe Biden da xuyakirin, wê welatê wî 31 tankên Abraham bide Ukraynayê.
Almanya diyar kiribû, wê 14 tankên Leopard 2A6 bide artêşa Ukraynayê.
Piştî Almanyayê vê carê Dewletên Yekbûyî yên Amerîkayê biryar da tankan bişîne Ukraynayê.
Serokê Amerîkayê Joe Biden da xuyakirin, wê welatê wî 31 tankên Abraham bide Ukraynayê.
Biden di daxuyaniya xwe de li ser protestoyên hukumeta Moskowê jî sekinî û got, tankên Amerîkayê “li dijî Rûsyayê xetereyeke êrişê” pêk nayne.
Serokê Ukraynayê Zelensky bi parvekirineke xwe ya di medyaya civakî de spasiya Biden kir.
Zelenskyê bi rojane ji bo tankan zextê li Amerîka û Ewrûpayê dike biryara şandina tankan “rojeke dîrokî” pênase kir.
Zelensky got, “ev biryar di riya serkeftinê de gaveke girîng e.”
Tankên Almanyayê
Beriya Amerîkayê hukumeta Berlinê jî biryar dabû tankên Leopard 2 bişîne Ukraynayê.
Almanya diyar kiribû, wê 14 tankên Leopard 2A6 bide artêşa Ukraynayê.
Herwiha hukumeta Scholz destûrê dabû welatên din da ku bikaribin tankên Leopard 2 yên di destên xwe de bidin Ukraynayê.
Tevlî tankên Almanyayê, wê 62 tank bigihîje ber destên artêşa Ukraynayê.
Li aliyekî din, hukumeta alman biryarê da artêşa ukraynî hînî bikaranîna tankên nû bike.
Hîndekariya leşkerî wê di demeke kurt de li Almanyayê dest pê bike.
Foto: Wikipedia
