Puanê Beşa Zimanê Kurdî ji yê Tirkî bilindtir bû

Li zanîngehên Mêrdînê, Mûşê û Çewlikê (Bîngol) ji bo mamostetiya kurdî, Beşa Ziman û Wêjeya/Çanda Kurdî hatibû vekirin. Li van zanîngehan, Beşa Ziman û Wêjeya Tirkî jî heye. Lê, îsal puanê beşa kurdî ji beşa tirkî zêdetir bû.

Encama Azmûna Bicîhkirinê ya Lîsansê (LYS) ya 2013 û 2014’an diyar bû. Li gorî encama azmûnê, beşên kurdî bi 393 û beşên tirkî 347 puanî xwendevan girtin û bi vî awayî di nav hemû beşan de beşa kurdî bi awayekî balkêş derket pêş. Ji ber eleqeya zêde, puanên taban ên vê beşê gelekî bilind bûn û di heman zaningehan de beşên kurdî ketin pêşiya beşên tirkî.

Beşa Ziman û Wêjeya/Çanda Kurdî tenê li zanîngehên Artûklûya Mêrdînê, Alparslana Mûşê û Çewligê heye û pêdiviya mamosteyên kurdî jî her ku diçe zêdetir dibe. Ji ber van sedeman, beşa kurdî bi puanên xwe yên taban ên LYS’yê beşa tirkî derbas kir û di nav ciwanan de bêtir hat tercîhkirin.

 

About infowelat.com

Check Also

1984 bi oksîtanî hate weşandin

Di vê romana dîstopyayê de rexneya rejîmên totalîter ên li cîhanê tê kirin. Di vê …

Leave a Reply

Your email address will not be published.