Infowelat Enformasyon Ji Bo Welat
Gotarên Têkildar
Nîvê nifûsa Afganîstanê di bin xeta xizaniyeke dijwar de dijîn
Zarokên afgan jî ji vê xizaniyê para xwe werdigirin
Li herêma Badaxşanê 70 hezar zarok di kanên zêr de dixebitin
Li Afganîstanê zarok ji ber xizaniya malbatan neçarin di karên giran de bixebitin.
Li herêma Badaxşanê, zarokên di çaxê dibistanê de, ji dêvla ku biçin dibistanê diçin karên xetere.
Zarok ji bo heqdestekî hindik kanên zêr ên kaçax de dixebitin.
Karkerên biçûk bê tedbîr û ewlekariyê dadikevin bîrên nêzî 70 metroyan.
Karê li van bîrên tarî bi saetan didomin.
Gelekên caran ev tunel hildiweşin û zarokên karker yan dimirin an birîndar dibin.
Xortekî xebatkarekî kanê wiha diaxive:
“Em 20 kes di vê tunelekê de dixebitin. Me nêzîkî 70 mêtroyan tunelê kola. Eger tunel birûxe, jiyana me hemûyan dikeve nava xetereyê.”
70 hezar zarok
Karkerekî biçûk jî wiha dipeyive:
“Ji ber xizaniyê, min di pola 8. de dev ji dibistanê berda. Ez hatim li vir bixebitim. Mehane 58 dolar dikeve destê min. Şensekî min î din tune ye. Ji bo man û nemanê, ez mecbûr, di van kanan de dixebitim.”
Li gorî raporan, li herêma Badaxşanê, 70 hezar zarok, ji bo karibin xwarinê bi dest bixin û piştevaniyê bidin malbatên xwe, dev ji dibistanan berdane û di karên giran de dixebitin.
