Infowelat Enformasyon Ji Bo Welat
Gotarên Têkildar
Amerîka û husiyan li ser agirbestekê li hev kirin.
Hevdîtinên agirbestê bi navbeynkariya Ummanê tên meşandin.
Husiyan qebûl kir, dawî li êrişên li Deryaya Sor bînin.
Amerîka û husiyên Yemenê bi navbeynkariya Ummanê agirbest pêk anîn.
Li gorî peymanê, Amerîka wê êrîşên hewayî li dijî Husiyan pêk neyne û husî jî êrîşî hedefên Amerîkayê neke.
Wezîrê Karên Derve yê Ummanê Bedir el-Busaidî diyar kir ku Amerîka û husiyan li hev kirine êrîşên li Tengava Babu’l Mendebê bi dawî bikin.
Wezîr destnîşan kir ku êdî di çûnûhatina li Tengava Babu’l Mendebê wê tu pirsgirêk çê nebe.
Elî el-Husî wiha axivî:
“Sozên Amerîkayê yên li ser êrîşa li dijî Yemenê wê li sehayê bê nirxandin.”
Nûnerê Yemenê got, ew dixwazin destegê bidin Xezayê û loma jî êrîşên li dijî Îsraîlê wê dewam bikin.
Wezareta Karên Derve ya Amerîkayê jî ragihand, agirbest tenê ji peravên Yemenê derbas dibe û tu têkîliya peymanê bi Îsraîlê ve tune ye.
Infowelat
——————————————-
Foto: Bazirganîya bi rêya Deryaya Sor tê kirin
