Infowelat Enformasyon Ji Bo Welat
Gotarên Têkildar
Amerîka û Fransa agirbesteke 21 rojan pêşkêşî Îsraîl û Hîzbulahê kirin.
Plan ev e, di dema agirbestê de her du alî dest bi hevdîtinan bikin.
Welatên Rojava ji bo pêşîgirtina şerê Îsraîl-Hîzbulahê di nava hewldanan de ne.
Amerîka û Fransa agirbesteke 21 rojan pêşkêşî her du alîyan kirin.
Plan ev e, di dema agirbestê de Îsraîl û Hîzbulah dest bi hevdîtinan bikin.
Serokê Amerîkayê Joe Biden û serokê Fransayê Emanuel Macron derbarê pêşnîyazê de daxuyanîyeke hevpar weşandin.
Di daxuyanîyê de her du serokan wiha gotin:
“Niha dema dîtina çareserîyeke ji bo sînorê Îsraîl-Libnanê ku wê ji bo vegera sivîl vegerin malên xwe ewlekarîyê pêk bîne. Êrişên her du alîyan ên ji 7ê cotmehê û vir ve û bi taybetî jî di du hefteyên dawî de xetereya alozîyekê mezintir dike û zirarê dide sivîlan“
Brîtanya, Awustralya, Kanada, Yekîtîya Ewrûpayê, Almanya, Îtalya, Japonya, Erebistana Siûdî, Yekîtîya Mîrîtîyên Ereb û Qeter destekê da pêşnîyaza Amerîka û Fransayê.
Alozîya Îsraîl û Hîzbulahê ji Şerê Xezayê û vir ve bilind dibe.
Hîzbulah di şer de destekê dabû Hamasê û êrişên bi fuzeyan biribû ser bakurê Îsraîlê.
Îsraîl jî kurtedemek berê bi hezaran amûrên ragihandinê yên Hîzbulahê teqandibûn.
Paşê Îsraîl bi sedan hedefên Hîzbulahê bomberan kiribû û ev jî bûbû sebeba mirina ji 500î zêdetir libnanîyan.
—————————————————-
Foto: Axaftina Nûnerê Amerîkayê yê Konseya Ewlekarîyê ya Neteweyên Yekbûyî/X.com
Infowelat
