Înfo Welat Enformasyon Ji Bo Welat
Gotarên Têkildar
Lîderê Hûngaryayê Vîctor Orban di meseleya Ûkraynayê de Ewrûpayê bi şerxwazî û bêkêriyê tometbar kir
Orban ji bo çareseriya meseleyê îşaret muzakereyên di navbera Washington û Moskowê de pêşniyaz kir
Lîderê rastgir ê Hûngaryayê Victor Orban vê carê bi daxuyaniyên derbarê krîza li Ûkraynayê kete rojeva cîhanê.
Orban di serdana xwe ya kêmara hûngar a li Romanyayê de, li ser meseleya Ûkraynayê axaftinekê kir.
Lîderê Hûngaryayê qala ambargoyên li hemberê Rûsyayê kir û got, tedbîrên aboriyê bi kêrî tiştekî nayên.
Herwiha Orban got, şerê li Ûkraynayê encax bi riya muzakereyên di navbera Wasîngton û Moskowê de dikare bi dawî bibe.
“Ewrûpa bandora xwe winda kir”
Serokwezîrê Hûngaryayê li ser helwesta global a di krîza dawî de jî axivî û ev gotinên balkêş kirin:
“Hêzên cîhanê yên wekî Çîn, Hîndistan, Brazîl, Afrîkaya Başûr, welatên Ereb û Afrîka vî şerî naxwazin. Piraniya welatan naxwazin tevlî şer bibin.”
Orban li ser polîtîkaya Ewrûpayê ya krîza dawî de jî sekinî û Yekitiya Ewrûpa bi meşandina polîtîkayeke bêkêr tometbar kir.
Orban got, ew bi xemgînî dikare bibêje, Ewrûpa bi stratejiya xwe ya heyî, giraniya xwe winda kiriye û lewma jî êdî nikare di vê meseleyê de bibe hêzeke xwedî bandor.
