Infowelat Enformasyon Ji Bo Welat
Gotarên Têkildar
Konseya Ewlekariyê ya Neteweyên Yekbûyî di civîna duh de banga “navbereke ji bo pêdiviyên însanî” kir.
Îsraîl got, “heta Hamas hemû dîlên di destên xwe de berdenede navbera însanî ne mimkên e.”
Neteweyên Yekbûyî dawiya dawî di aloziya li Xezayê biryarekê girt.
Konseya Ewlekariyê ya Neteweyên Yekbûyî di civîna duh de banga “navbereke ji bo pêdiviyên însanî (humanîter)” kir.
Ji ber îhtiraza Amerîkayê peyva “agirbestê” di teksta biryarê de cî negirt.
Bi vê biryarê, ev dibe cara pêncemîn Konseya Ewrlekariyê hewl dide ji bo bangekê li hev bike.
Ji ber mixalefeta Amerîkayê ji civînên berê tu biryar derneket.
Di biryara dawî de gotinên derbarê êrişa Hamasê û êrişên tolhildanê yên Îsraîlê derbas nabin.
Belgeya hevpar, ji hemû aliyan dawxaz dike “peywirên xwe yên di bin hiqûqa navneteweyî de pêk bînin.”
Amerîka, Rûsya û Brîtanya ku xwedî hêza vetoyê ne tevlî dengdana biryarê nebûn.
?Le Conseil de sécurité de l’ONU adopte une résolution sur #Gaza
Vote pour : 12
Votes contre : 0
Abstentions : 3 pic.twitter.com/wdnQm5by0B— ONU Info (@ONUinfo) November 15, 2023
Îsraîl biryarê red kir
Biryara ji aliyê Maltayê ve hatibû amadekirin, bi dengên 12 endamên mayî yên konseyê hat qebûlkirin.
Piştî biryarê, hemû awir zivîrîn ser Îsraîlê ku niha neşxweşxaneya Şîfa ya li Xezayê dorpêç kiriye,
Berdevkê Wezareta Karên Derve yê Îsraîlê Lior Haiat bi daxuyaniyekê reaksiyon nîşanî biryarê da.
Di daxuyaniyê de hat gotin, “heta Hamas hemû dîlên di destên xwe de berdenede navbera însanî ne mimkên e.”
Infowelat
Foto: Ala Neteweyên Yekbûyî /Wikipedia
