NATO li Washingtonê civîya

Civîna NATOyê ya li Amerîkayê bi rasthatina  75. a damezrandina tifaqa leşkerî tê lidarxistin.

NATO di 1949an de bi rêberîya Amerîkayê, tevlî Kanada û çend welatên Ewrûpayê hat damezrandin.

Civîna welatên endam ên NATOyê duh Washingtonê dest pê kir.

Serokê Amerîkayê Joe Biden malovanîya civînê dike.

Civîn bi rasthatina  75. a damezrandina vê tifaqa leşkerî tê lidarxistin.

NATO di 1949an de bi rêberîya Amerîkayê, tevlî Kanada û çend welatên Ewrûpayê hat damezrandin.

Domandina hevgirtina di navbera endamên rêxistinê de rojeva sereke ya bernameya li Washingtonê ye.

Di serî de Tirkiye û Hûngarya, hin endamên NATOyê naxwazin li hemberê Rûsyayê destekê bidin Ukraynayê.

Herwiha, di nava civaka ewrûpî û amerîkî de jî mixalefeta li hember domandina şer her ku diçe bilind dibe.

Tirsa ji Trump

Meseleyeke din jî helwesta Trump û hilbijêrên Partîya Komarger a li hemberê NATOyê ye.

Trump dabû zanîn, ew naxwaza Amerîka wekî berê alîkarîyeke zêde bide NATOyê.

Loma jî îhtimala biserketina Trump a di hilbijartinên Amerîkayê de li Ewrûpayê dibe sebeba fikaran.

Bernameya NATOyê ya li Washingtonê wê di 11ê tîrmehê de bi dawî bibe.

—————————————————-

Foto: Ala NATOyê 

Infowelat

Derbarê infowelat.com

Li vê jî binêre

Marta Rovira vegerîya Katalonyayê

Lîdera katalan Marta Rovira piştî 6 salan vegerîya Katalonyayê. Berîya vegera Rovira, doza Tsûmanîya Demokratîk …