Înfo Welat Enformasyon Ji Bo Welat
Gotarên Têkildar
Îspanya wê bi butçeya sala 2023’an 2.3 milyar euro transferê Katalonyayê bike.
Par, butçeya ji Katalonyayê re hatibû veqetandin 2.2 milyar euro bû.
Bi gotineke din, 17.2 ji % butçeya total a Îspanyayê dibe para Katalonyayê.
Butçeya îsal a Îspanyayê bi desteka partiyên katalan hate qebûlkirin.
Ji bo hukumeta Pedro Sanchez di Parlemena Îspanyayê de dengdan hate lidarixistin.
Wekîlên Çepa Komarger a Katalonya (ERC) û PDeCAT dengê erênî dan butçeyê.
Di encamê vê destekê de butçeya sala 2023’an ji aliyê parlemenê hate qebûlkirin.
Di dengdanê de du partiyên din ên serxwebûnxwaz ên katalan Junts û CUP li dijî butçeyê deng dan.
Piştî parlemenê wê butçeya îsal vê carê biçe ber destên Senatoyê.
Senato wê yan di butçeyê de guherînan çêbike an jî wê butçeyê qebûl bike.
Dema guherîn pêk werin, wê careke din ji bo pêşniyazbutçe li Parlemenê Îspanyayê dengdan bê lidarixstin.
ERC ji Îspanyayê çi xwest?
ERC partiya herî kevn a Katalonyayê ku doza serxwebûna Katalonyayê dike.
Partiya ku di 1931’an de hatibû damezrandin, bi 33 kursiyên xwe yên di Parlemena Katalonyayê de hêza herî mezin e ku serxwebûnxwaz e.
Beriya dengdanê, ERC di meseleya kontrola li ser binesaziya sereke ya Katalonyayê de bi Îspanyayê re li hev kir.
Bi riya peymana bi hukumeta Madrîdê re, wê kontrola li ser riyên hesinî û riyên bejahî dewrê Katalonyayê bê kirin.
Binesaziya hatûçûnê ku dikeve destên Katalonyayê li derdora 900 milyon euroyî ye.
Butçeya Katalonyayê
Para Katalonyayê di Hilberîna Tomerî ya Îspanyayê de bi qasî 19 ji % ye.
Ev jî tê vê wateyê, Katalonya li gorî hilberîna xwe, her sal ji butçeyê 2 ji % kêmtir pere werdigire.
Herwiha, Îspanya wê bi butçeya sala 2023’an 2.3 milyar euro transferê Katalonyayê bike.
Par, butçeya ji Katalonyayê re hatibû veqetandin 2.2 milyar euro bû.
Bi gotineke din, 17.2 ji % butçeya total a Îspanyayê dibe para Katalonyayê.
Hêjayî gotinê ye, para Katalonyayê di Hilberîna Tomerî ya Îspanyayê de bi qasî 19 ji % ye.
Ev jî tê vê wateyê, Katalonya li gorî hilberîna xwe, her sal ji butçeyê 2 ji % kêmtir pere werdigire.
Partiyên katalan li dijî vê derdikevin û vê yekê wekî argûmaneke ji bo serxwebûnê bi kar tînin.
