Infowelat Enformasyon Ji Bo Welat
Gotarên Têkildar
Berlîn li pey hev şîrketên enerjiyê dikire û wan dike malên dewletê
Ji vê armanc ev e, li nava Almanyayê pêşî li buhayê enerjiyê bê girtin
Di çarçoveya vê polîtîkayê de şîrketa herî mezin a enerijyê Uniper hate kirîn
Almanya ji bo bikaribe buhayê enerjiyê kontrol bike gavên radîkal davêje.
Hukumeta Scholz bi vê armancê şîrketên mezin ên enerjiyê dikire û wan dike malê gelemperî.
Daxuyaniyeke dawî ya derbarê vê mijarê de ji aliyê Wezîrê Aboriyê yê Almanyayê Robert Habeck ve hate dayîn.
Habeck ragihand, hukumeta Berlînê biryar girtiye şîrketa herî mezin a enerjiyê Uniperê bikire.
23 milyar dolar
Li gorî planê, hukumet ji bo bikaribe Uniperê bikire wê 23 milyar dolar pere bişîne hesabê şîrketê.
Li gorî planê, hukumet piştî Uniperê kontrol bike, wê bi qasî 8 milyar euro pere bişîne hesabê vê şîrketê.
Bi vê gavê Almanya hewl dide buhayê enerjiyê ku her diçe zêde dibe kontrol bike.
Tê ragihandin, şîrketa navborî ji ber ambargoyên li dijî Rûsyayê di mehên dawî de bi milyaran ewro pere winda kiriye.
Rosneft Deutschland
Hefteya borî jî şansolyeyê Alman Olaf Scholz diyar kiribû, hukumeta wî şîrketa Rosneft Deutschlandê kiriye.
Scholz, Rûsyayê di warê bazirganiya enerjiyê de wekî “welatekî bawerî pê nayê” pênase kiribû û vê jî wekî sebeba biryara xwe eşkere kiribû.
