Hêjayî gotinê ye ligel Norwêc, Swêd û Fînlandê qismekî samî ji 3 hezar salî zêdetir e li herêma Mûrmansk a li bakurê Rûsyayê dijîn.
Di encama polîtîkaya talan û asîmîlasyonê ya dema Sovyetê û Rûsyayê de gelê samî hat marjînalkirin û hejmara wan a li herêma Kolayê daket 2 hezarî.
Hebûna samiyên li herêma Kola ya li bakurê Rûsyayê jî di xetereyê de ye.
Ev miletê li nava qeşa û cemeda Arktîkê dijî, herdem rastî midaxaleyên otorîteyên Rûsyayê tên.
Di demên dawî de çend aktîvîstên samî yên li herêma Mûrmanskê bi hincetên bêbingeh hatin girtin.
![](https://infowelat.com/wp-content/uploads/Aandrey-Danilov-3.jpg)
Yek ji wan Andrey Danilov bû ku rêvebiriya Fona Mîrate û Pêşketina Samî dikir.
Danîlov di Tebaxê de ji bo kurtedemekê hat girtin û bi mebesta dawî li aktîvîzma xwe ya ji bo gelê samî bîne, di girtîgehê de gef lê hat xwarin.
Nameya bo Pûtîn û Lavrov
Zêdebûna zextên li ser gelê samî civaka navneteweyî xist nava hereketê û 116 rêxistin û bi dehan şexsiyetên naskirî nameyekê ji serokê Rûsyayê wezîrê karên derve re şandin.
Di nameyê de zextên li dijî aktîvîstên doza gelên xwecî yek bi yek hatin destnîşankirin û ji hukumeta rûs hat xwestin dawî li polîtîkaya xwe ya hişk a di meseleya mafên xweciyan de bîne.
Hêjayî gotinê ye ligel, Norwêc, Swêd û Fînlandê qismekî Samiyan ji 3 hezar salî zêdetir e li herêma Mûrmansk ya li bakurê Rûsyayê dijîn.
Piraniya samiyên li vê herêmê, bi şivantiya pezkoviyan debara xwe dikin û lewma jî hewl didin erdên di destên xwe de biparêzin.
Rastî asîmîlasyonê hatin
Samiyên li girava Kolayê di dema Yekitiya Sovyetê de rastî polîtîkayên talan û asîmîlasyonê hatibûn.
![](https://infowelat.com/wp-content/uploads/kola2-300x218.png)
Ji bo avakirina kolhozên çandiniyê beşeke mezin ê Samiyan ji erdên xwe hatibûn derxistin.
Di salên 1990’an de jî Rûsya li vê herêmê dest bi lêgerîna çavkaniyên binerdê kiribû û li herêmê xetên gaz û petrolê hatibûn avakirin.
Ev jî bûbû sebeb talana erdên samiyan derkeve asta bilind û koça ji herêmê zêdetir bibe.
Di encama polîtîkaya talan û asîmîlasyonê de gelê samî hat marjînalkirin û hejmara wan a li herêmê daket 2 hezarî.