Infowelat Enformasyon Ji Bo Welat
Gotarên Têkildar
Neteweyên Yekbûyî got, nabe Amerîka Xezayê dewr bigire û filistînîyan ji vir veder bike.
Îsraîl bersiv da û Neteweyên Yekbûyî bi cudakarî û dijberiya Îsraîlê sûcdar kir.
Bertekên li dijî plana Trump a valakirina Xezayê zêde dibin.
Piştî welatên ereb, Neteweyên Yekbûyî jî nerazîbûn nîşan da.
Neteweyên Yekbûyî li dijî plana serokê Amerîkayê DonaldTrump a ji bo kontrola Xezayê vederkirina filistînîyan bertek nîşan da.
Komîserê Bilind Mafên Mirovan ê Neteweyên Yekbûyî Volker Turk li ser babetê wiha axivî: “
Şandina xezayiyan a welatên din, li gorî hiqûqa navneteweyî teqez qedexe ye.”
Volker Turk wiha dewam kir: Mafê tayinkirina qedera xwe têgeheke bingehîn a hiqûqa navneteweyî.”
Îsraîl bersiv da
Lêbelê daxuyanîya Neteweyên Yekbûyî hikumeta Îsraîlê aciz kir.
Wezîrê Karên Derve Gideon Saar Neteweyên Yekbûyî bi cudakarî û dijberiya Îsraîlê sûcdar kir.
Herwiha gefa vekişîna ji Konseya Mafên Mirovan a Neteweyên Yekbûyî li rêxistinê xwar.
Gideon Saar vekişîna Amerîkayê ji Konseyê û bidawîkirina fonên rêxistina alîkariya Filîstîniyan UNRWAyê bi kêfxweşî pêşwazî kir û got, ew ê jî bidin ser rêya Amerîkayê.
Trump roja Sêşemê rexne li rêveberiya Neteweyên Yekbûyî kiribû, gotibû Amerîka wê ji Konseya Mafên Mirovan a rêxistinê vekişe.
Bi heman daxuyanîyû, Trump fînansmana rêxistina Alîkariya Filîstînê UNRWAyê sekinandibû.
Infowelat
—————————————–
Foto: Ala Neteweyên Yekbûyî
