Infowelat Enformasyon Ji Bo Welat
Gotarên Têkildar
A.Rahman Çelîk
Rêxistinên çapemeniyê li ser binpêkirinên Tirkiyê yên çapemeniyê daxuyaniyeke hevpar dan.
41 rêxistinên çapemeniyê îmze avêtin binê daxuyaniyê.
Ji Tirkiyê hat xwestin, rojnamegerên girtî bên berdin û astengiyên li pêşîya çapemenîyê bê rakirin.
Federasyona Rojnamegeran A Navneteweyî IFJ û gelek rêxistinên azadiya çapemeniyê, azadiya îfadekirinê û mafên mirovan li ser binpêkirinên li Tirkiyê daxuyanîyeke hevpar dan.
41 rêxistinên çapemeniyê di daxuyanîya xwe de bang li rayedarên Tirkiyê kirin ku rojnamegerên girtî berdin û karê rojnamegeriyê biparêzin.
Di daxuyaniyê de wiha hat gotin:
“Ji serê salê û vir ve rojnameger bi awayekî kêfî tên binçavkirin û girtin. Daraza Tirkiyê bi awayê neheq kontrola tedbîran datîne yan jî wan mehkûm dike. Vê yekê jî azadiya çapemeniyê dixe nav xetereyê û qada nîqaşê ya demokratîk tehdît dike.”
9 rojnameger hatin girtin
Di daxuyaniyê de hat destnîşankirin, di meha borî de, herî kêm 9 rojnameger hatine binçavkirin.
6’ên wan bi cezeyê girtîgehê hatine cezekirin û 5 jê hatine girtin.
Di der heqê 23 rojnamegeran de lêpirsîn hatine destpêkirin û rojnamegerek jî rastî astengiya polîsan hatiye.
Di bangê de ji hikumeta tirk hat xwestin, van kiryarên xwe terk bike û li gorî têgehên edaletê tev bigere.
——————————————-
Infowelat
Foto: Logoya IFJê/ANHA
