Înfo Welat Enformasyon Ji Bo Welat
Gotarên Têkildar
Li herêma Sîlezyayê ya li Polonyayê Meşa Xweseriyê hat lidarxistin. Li derdora 5000 kes beşdarê meşa ku li bajarê Katowice/Katowicach hat lidarxistin bûn.
Meşa ku ji aliyê Ruch Autonomii Slaska (RAS-Tevgera Xweseriya Sîlezyayê) ve hat birêxistinkirin, di 11’yê Tîrmehê de hat lidarxistin. Di meşê de afîşên ku daxwazên welatiyên Sîlezyayê yên ji bo xwerêvebirineke xweser dianî ziman, hatin hilgirtin.
Sîlezya herêmekê li başûrê Polonyayê ye ku firehbûna wê 40,000 km2 ye. Beşeke biçûk erdên Sîlezyayê heta Komara Çek û Almanyayê dirêj dibe. Erdên herêmê di navbera Sîlezyaya Jor û Sîlezyaya Jêr ve hatiye parvekirin. Nifûsa van her du jêr-herêman qasî 8 milyonî ye. Sîlezya ji aliyê çavkaniyên xwezayî û mîneral ve zengîn e û li herêmê çend qadên endustriyê cî digirin.
Tevgera xweseriyê RAS di 1990’î de li Sîlezyaya Jor hat damezrandin. RAS civaka Sîlezyayê wekî neteweyeke cuda dibîne û ji bo xweseriyê xebatê dike. Ji damezrandina xwe û heta niha tevger gelek meşên ji bo xweseriyê li dar xistiye.
Înfowelat
