Infowelat Enformasyon Ji Bo Welat
Gotarên Têkildar
Hukumeta Flander plan dike, ji bo serfiraziya azmûnên entegrasyonê rêjeya bersivên rast bilindtir bike.
Kesên bixwazin sertîfîkaya întegrasyonê bigirin divê 82 ji % pirsan rast bibersivînin.
Herêma Flander a li Belçîkayê şertên ji bo întegrasyonê girantir dike.
Hukumeta Flander plan dike, ji bo serfiraziya azmûnên entegrasyonê rêjeya bersivên rast bilindtir bike.
Kesên bixwazin sertîfîkaya întegrasyonê bigirin divê 82 ji % pirsan rast bibersivînin.
Wezîrê Karên Hundir Bart Somers derbarê mijarê de pêşniyazqanûnekê pêşkêşî Parlemena Flanderê kir.
Somers got, kesên nû li herêmê bi cî bûne, di dawiya kursa întegrasyonê de wê tevlî azmûnên standard bibin.
Beşdarên azmûnê wê 41 pirsên li ser babetên cuda de bibersivînin.
11 ji van pirsan wê di derbarê prensîbên bingehîn ên jiyanê de û 30 pirs jî derbarê civaka Flaman de be.
Wekheviya jin û mêr, azadiya ramanê, cudahiya dewlet û dêrê û girîngiya mafên mirov wê esasên bingehîn ên kursê bin.
Naveroka kursa întegrasyonê
Wekheviya jin û mêr, azadiya ramanê, cudahiya dewlet û dêrê û girîngiya mafên mirov wê esasên bingehîn ên kursê bin.
Ligel van jî, aştiya civakî, derfetên ji bo perwerdeya zarokan û sîstema tenduristiyê wê mijarên din bin.
Beşdarên kursê ji bo serfiraz bibin divê 9 ji 11 pirsên di beşa prensîbên bingehîn de rast bibersivînin.
Wezîrê flaman Somers got, pirsên wê bên kirin ne giran û tevlîhev bin û lewma jî wê bi hêsanî bikaribin bên bersivandin.
Saziya întegrasyonê
Kursên întegrasyonê, alîkariya ji bo bidestxistina mafê welatîbûnê û ya ji bo kursên zimanê holandî ligel hin mijarên din karên vê saziyê ne.
Saziya Întegrasyonê ya Flaman ku navê wê yê fermî Het Agentschap Integratie en Inburgering (AgII) ye, di 2015’an de hate damezrandin.
Kursên întegrasyonê, alîkariya ji bo bidestxistina mafê welatîbûnê û ya ji bo kursên zimanê holandî ligel hin mijarên din karên vê saziyê ne.
Mijarên esasî yên kursên întegrasyonê yên vê saziyê derbarê xebat, jiyan, perwerde û sîstema tenduristiyê ya li Belçîkayê ye.
Herwiha, di kursê de derbarê cografya, dîrok û sîstema polîtîk a Belçîkayê de agahiyên bingehîn tên dayîn.
Hêjayî gotinê ye, herêma Flaman ji bo naskirina mafê welatîbûnê serfiraziya di kursên întegrasyonê de ferz kiriye.
Yek ji şertên ji bo bidestxistina mafê welatîbûnê heta astekê zanîna zimanê holendî ye.
——————–
Foto: Pickfair
