Infowelat Enformasyon Ji Bo Welat
Gotarên Têkildar
Nûnerên hin welatên mezin ên Ewrûpayê, rêveberên Yekîtîya Ewrûpayê, NATO û Kanada ji bo Ukraynayê hatin cem.
Lîderan li ser pêdivîya zêdekirina desteka xwe ya ji bo Ukraynayê li hev kirin.
Brîtanya û Fransa plana şandina hêzeke xwe ye hevpar a ji bo parastina agirbesta paşerojê pêşnîyaz kirin.
Ewrûpa piştî hevdîtina kambax a Trump û Zelensky di nava alarmê de ye.
Brîtanya bi rojeva Ukraynayê li Londonê civîneke bilin dli dar xist.
Lîder û nûnerên hin welatên mezin ên Ewrûpayê û rêveberên Yekîtîya Ewrûpayê tevlî civînê bûn.
Herwiha, Sekreterê Giştî yê NATOyê Rutte, Kanada û Tirkîye jî ji bo civînê hatin vexwendin.
Keir Starmer di civînê de pakêteke alîkarîyê ya ji bo Ukraynayê ragihand.
Brîtanya wê 1.6 mîyar pound (2 billion dolar) ji bo finanskirina fuzeyên parastina hewayî bide Ukraynayê.
Bi vê alîkarîyê, Ukrayna wê 5,000 fuzeyên parastina hewayî ku li Belfastê hatine hilberîn bikire.
Rojekê berîya vê jî, Brîtanya û Ukrayna peymaneke 2.2 mîlyar poundî îmze kirin.
Brîtanya wê vî pereyî bi deyn bide hikumeta Kîewê.
Lîderên welatên mezin ên ewrûpî di civînê de li ser pêdivîya zêdekirina desteka xwe ya ji bo Ukraynayê li hev kirin.
Bi taybetî, însîyatîfa hevpar a hêzên aştîyê ya Brîtanya-Fransayê derket pêş.
Herdu welat difikirin, piştî ragihandina agirbestê hêzêke bi vî rengî bişînin Ukraynayê.
London û Paris dilxwazin, welatên din jî bi desteka xwe tevlî vê hêzên bibin.
Biçekbûna Ewrûpayê
Yek ji nuqteyeke din a beşdar li hev kirin, zêdekirina mesrefên biçekbûnê yên Ewrûpayê ye.
Lîderên ewrûpî bi vê gavê hewl didin di parastina Ewrûpayê de dewsa Amerîkayê tije bikin.
Jı ber ku rêveberîya Trump dixwaze hebûna leşkerî ya Amerîkayê li Ewrûpayê kêm bike.
Herwiha, piştî nîqaşa Trump-Zelensky, rîska Amerîka hemû alîkarîyê ji bo Ukraynayê bide sekinandin heye.
Civîna 6ê adarê
Lêbelê, ji bo jinûve biçekbûna Yekitîya Ewrûpayê pêdivî bi konsensûsa welatên endam heye.
Vê mijarê wê di civîna 27 welatan a di 6ê adarê de ki Brukselê bê gotûbêjkirin.
Tevî gavên xurtkirina mîlîtarîzmê, planeke aştîyê ya Ukraynayê jî li Londonê hat rojevê.
Serokwezîrê brîtanî got, wê welatên ewrûpî planeke aştmyêp amade bikin û wê ji Trump re bişînin.
Bi vê gavê, Ewrûpa dixwaze Amerîka li derveyî proseyê nemîne û zirarê nede hevalbendîya xwe ya bi Washingtonê.
Kesên tevlî civînê bûn ev bûn:
Serokê Brîtanyayê: Keir Starmer
Serokê Ukraynayê: Volodimir Zelensky
Serokê Komîsyona Ewrûpayê: Ursula von der Leyen
Serokê Konseya Ewrûpayê: Antonio Costa
Sekreterê Giştî yê NATOyê: Mark Rutte
Serokwezîrê Almanyayê: Olaf Scholz
Serokê Fransayê: Emanuel Macron
Serokwezîra Îtalyayê: Giorgia Meloni
Serokwezîrê Îspanyayê: Pedro Sanchez
Serokê Polonyayê: Donald Tusk
Serokwezîrê Kanadayê: Justin Trudeau
Serok Holandayê: Dick Schoof
Serokwezîrê Swêdê: Ulf Kristersson
Serokwezîrê Norwêcê: Jonas Gahr Store
Serokwezîrê Komara Çek: Petr Fiala
Serokê Fînlandîyayê: Alexander Stubb
Serokwezîrê Denmarkê: Mette Frederikse
Serokê Romanyayê yê Demî: Ilie Bolojan
Wezîrê Karên Derve yê Tirkîyeyê: Hakan Fidan
Infowelat
——————————————————————
Foto: Civîna li Londonê a li ser Ukraynayê
