Infowelat Enformasyon Ji Bo Welat
Gotarên Têkildar
Peymana Daytonê di 1995’an de di navbera serokên Bosna, Kroatya û Sirbistanê de hat îmzekirin.
Bi vê peymanê, Bosna-Herseka serbixwe ya di bin kontrola her sê miletan de hat damezrandin.
Îro salvegera Peymana Daytonê ye ku dawî li şerê navxweyî ya li Bosna-Hersekê anî.
Peyman di 1995’an de di navbera serokên Bosna, Kroatya û Sirbistanê de hat îmzekirin.
Amerîka ji ber rola xwe ya aloziya Bosna-Hersekê, rasterast malovaniyê ji muzakereyan re kir.
Lewma jî ji bo hevdîtinan eyaleta Ohio ya li rojhilatê Amerîkayê hat hilbijartin.
Hevdîtinên di navbera her sê aliyên şer de li Baregeha Hêzên Hewayî ya Daytonê hat kirin.
Dîplomatê Amerîkî Richard Holbrooke di muzakereyên dijwar de navbeynkariyê kir.
Di encama hevdîtînên dûvedirêj de Peymana Çarçoveya Giştî ya Aştiyê ya Bosna-Hersekê derket holê.
Peyman derî li parçebûna welêt a di nava Sirb, Boşnak û Kroatan de girt.
Bi vê peymanê, Bosna-Herseka serbixwe ya federal a di bin kontrola her sê miletan de hat damezrandin.
Du herêmên federal
Federasyona Boşnak-Kroat û Republika Sirpska di encama peymanê de hatin damezrandin.
Bosna ji aliyê îdarî ve di navbera du herêmên xweser de hat parvekirin.
Li navend û rojavayê welêt Federasyona Boşnak-Kroat a ji bo temsîlkirina herdu miletan hat avakirin.
Li bakur, rojhilat û başûrê welêt jî hebûna Republika Sirpska ku herêma otonom a Sirban bû hat qebûlkirin.
Herçî bajarê Sarajevo bû, ew jî wekî paytexta hemû Bosna-Hersekê hat qebûlkirin.
Peymana Daytonê derî li şerê navxweyî ya hilweşîner anî ku bû sebeba kuştina zêdetirî 100,000 kesî.
Infowelat
————–
Foto: Ji çepê ber bi rastê, Serokê Bosnayê Aliya Izzetbegoviç, serokê Kroatyayê Franco Tudjman û serokê Sirbistanê Slobodan Milosevic ji bo Bosnaya federal li hev kirin.
