Infowelat Enformasyon Ji Bo Welat
Gotarên Têkildar
Li Erebistana Siûdî hevdîtinên muzakereyên agirbesta Ukraynayê hebûn.
Heyeta Amerîkayê hem bi Ukraynayê û hem jî bi Rûsyayê re hevdîtin pêk anî.
Muzakereyên agirbesta Ukraynayê, dawiya hefteyê li paytext Riyada Erebistana Siûdî dewam kirin.
Heyeta Amerîkayê di heman wextê de bi heyetên Ukrayna û Rûsyayê re hevdîtin pêk anîn.
Washington hewl dide şerê li Ukraynayê bo demekê bide sekinandin û paşê jî paymaneke aştiyê ya berfireh pêk bîne.
Bes rêveberiya Kîewê fikarên xwe tîne ziman û destnîşan dike ku ji ber sedema alîgiriya Rûsyayê, baweriya ji Rêveberiya Washingtonê şikestiye.,
Serdemeke nû ya têkilîyan DYA-Rûsyayê
Muzakereyên aştiya Ukraynayê di têkîliyên dîplomatîk ên Amerîka û Rûsyayê de serdemeke nû da destpêkirin.
Li pêyî gotinên serok Donald Trump û hin rayedarên din ên Amerîkayê, nûnerê taybet Steve Witkoff jî beriya hevdîtinan pesnê serokê Rûsyayê Vladimir Pûtîn da û got kesekî “gelekî zîrek” e.
Amerîka ji bo agirbestê qebûl bike zextan li Ûkraynayê dike.
Rûsya nalezîne
Civîna di navbera Amerîka û Ukraynayê de derengê şevê bi dawî bû.
Wezîrê Parastinê Rustem Umerov destnîşan kir enerjî jî di nav de li ser gelek mijarên girîng rawestiyane.
Pê re jî got: “Em hewl didin aştiyeke adilane ya mayînde pêk bînin.”
Lê belê, Rûsya bi qasî Ukraynayê hewl nade, wekî ku eceleya wê tuneye, muzakareyan bi giranî dide meşandin.
Peskov: Hîn em li serî ne
Bedevkê Kremlînê Dmitry Peskov hêviyên heyî yên vê babetê şikand.
Dmitry Peskov ji televizyona dewletê ya Rûsyayê re got: “Hîna em li serê rê ne. Ji bo bigihîjin encamê gelek tişt hene bên kirin.”
Li aliyê din, muzakereyên heyî êrîşên Rûsyayê nedan sekinandin.
Rûsyayê dawiya hefteyê bi dronan êrîş bir ser paytext Kîewa Ukraynayê.
Di encamê de zarokeke 5 salî jî di nav de, 3 kesan jiyana xwe ji dest dan.
Foto: Nûnerên Amerîka û Rûsyayê yên beşdarî hevdîtina li Riyadê bûn.
