Infowelat Enformasyon Ji Bo Welat
Gotarên Têkildar
Amerîka li Okyanûsa Pasîfîkê stratejiya pêşîgirtina li Çînê dimeşîne.
Washington diyar kir, eger Çîn li Solomonê baregehan ava bike ew ê jî vî welatî dagir bike.
Beriya niha serokwezîrê Awustralyayê Scott Morrison jî derbarê mijarê de daxuyaniyek dabû û gotibû ew tu carî naxwazin Çîn li Solomonê baregehan ava bike.
Aloziya Amerîka û Çînê ya li dora giravên Solomonê, careke din zindî dibe.
Çîn di salên dawî de bi riya alîkariya fînans û peymanan, bandora xwe ya li vê herêmê zêde dike.
Rêvebiriya Çînê li vê herêmê gaveke din avêt û bi hukumeta Giravên Solomonê re peymaneke ewlekariyê mor kir.
Lêbelê naveroka peymanê ku serokwezîrê welêt Manasseh Sogavare îmzeya xwe avêt binî nehat eşkerekirin.
Gefa Amerîkayê
Ev jî bû sebeb, Amerîka têkeve nava hereketê û bi daxuyaniyeke tund gef li hukumeta Solomonê bixwe.
Cîgirê sekreterê Karûbarên Asyaya Rojhilat û Pasîfîkê yê Amerîkayê Daniel Kritenbrink got, di çarçoveya peymanê de Çîn li Solomonê baregehên leşkerî ava bike, ew ê Washington mudaxale bike.
Bi gotineke din Amerîka ji bo pêşîgirtina bandora Çînê, cara pêşî gefa dagirkirinê li welatekî Pasîfîkê dixwe.
Beriya niha serokwezîrê Awustralyayê Scott Morrison jî derbarê mijarê de daxuyaniyek dabû û gotibû ew tu carî naxwazin Çîn li Solomonê baregehan ava bike.
Bi vî awayî Awustralya, di aloziya li Pasîfîkê ya bi Çînê re careke din li tenişta Amerîkayê ciyê xwe girtibû.
Serokwezîr alîgirê Çînê ye
Hêjayî gotinê ye, serokwezîr Solomonê Manassaeh Sogavare, parazvanê alîgiriya Çînê ye û ev jî li giravê dibe sebeba dubendiyekê.
Par Sogavare du caran bi dengên pêbaweriyê ji kar hatibû girtin, lê di hilbijartinan de dîsa bi ser ketibû û hatibû ser kar.
Bûyerên civakî
Par di meha kanûnê de li Giravên Solomonê bi mebesta protestokirina polîtîkayên hukumetê û têkiliyên wê yên bi Çînê re protestoyên mezin hatibûn lidarxistin.
Çalakgerên solomonî avêtibûn ser Taxa Çîniyan û gelek avahiyên li vê taxê dabûn ber agir.
Paşê Awustralya û Fîjî bi hinceta aramiyê bîne welêt polês û leşker şandibûn giravan.
Ku der e Solomon?
Giravên Solomonê, 6 jê mezin, bi tevahî ji 900 giravan pêk tê û li rojavayê Okyanûsa Pasîfîkê cî digire.
Berfirehbûna erdên welêt, nêzîkî 30 hezar qaremêtro ye û nifûsa welêt 650 hezar e.
