Infowelat Enformasyon Ji Bo Welat
Gotarên Têkildar
Almanya wê sînorên bi 9 welatan re kontrol bike.
Sînorên nû yên wê nuqteyên kontrolê bên danîn ev in: Fransa, Belçîka, Denmark û Holanda.
Berî niha Almanya li ser sînorên xwe yên bi Awusturya, Komara Çek, Polonya û Swîsreyê nuqteyên kontrolê ava kiribûn.
Hikumeta alman ragihandibû, ji îro pê ve wê sînorên bi Fransa, Belçîka, Denmark û Holandayê jî kontrol bike.
Kontrolên li ser sînorên bi 9 welatan re wê demkî be.
Biryara kontrola bi siyaseta hundir a Almanyayê re eleqeder e.
Di dawîya meha tebaxê de, 3 kes ji alîyê penaxwazekî li festîwala Solingenê hatibû kuştin.
Li alîyekî din, partîya nîjadperest AfD di hibijartinên eyaletên Thuringen û Saksonyayê de bi ser ketibû.
AfD partîyeke li dijî penaberan e û hikumet dixwaze bi jidandina kontrola sînoran dixwaze pêşî li argumanên vê partîyê bigire.
Lêbelê biryara kontrolkirina sînoran rastî reaksîyonên Polonya û Yûnanistanê hatin.
Serokwezîrê Polonyayê Donald Tusk got, vê vê biryarê “ne mimkûne ji alîyê Polonyayê bê qebûlkirin.”
Serokwezîrê Yûnanistanê Kîrîakos Mîtsotakîs jî got, “Almanya nikare yekalî Peymana Schengenê betal bike.”
Almanya tevlî Denmarkê di 2023an de li ser hin sînorên xwe nuqteyên kontrolê danîbûn.
Dadgeha Edaletê ya Ewrûpayê li ser vê mijarê civîyabû û biryar dabû, “tu bingeheke hiqûqî tune ye ku Almanya û Denmark û welatên din ên Schengenê hatûçûna li ser sînoran kontrol bikin.”
Çi ye Peymana Schengenê?
Peymana Schengenê di 1995an de li Luxemburgê hat îmzekirin.
26 welatên vê peymanê îmze kirin, dawî li kontrola sînoran a di navbera xwe de anîn.
Di nava demê de hejmara welatên tevlî herêma Schengenê bûn bû 29.
Welatên endam ên vê peymanê ev in:
Almanya, Awusturya, Belçîka, Komara Çek, Denmark, Estonya, Fînland, Fransa, Holanda, Hûngarya, Island, Îspanya, Îtalya, Kroatya, Latviya, Liechtenstein, Lîtwanya, Luxembourg, Malta, Norwêc, Polonya, Portûgal, Slovakya, Slovenya, Swêd û Swîsre.
——————————-
Foto: Nuqteyeke kontrolê ya polêsên alman ya li ser sînorekî/Medyaya civakî
Infowelat
