Infowelat Enformasyon Ji Bo Welat
Gotarên Têkildar
Bi makeqanûna 1996’an, Afrîkaya Başûr ligel Afrîkaan û Îngilîzî 9 zimanên din wekî zimanên fermî naskir.
Di rêvebiriya Kongreya Neteweyî ya Afrîkayê de prestîja zimanên xweciyên reşik ên welêt gav bi gav bilind bû.
Tevlî vê, bikaranîna zimanên afrîkî di sektora perwerde, kar û rêvebiriya fermî de zêde bû.
Forûma Federasyonan (Forum of Federations) lêkolîneke xwe ya din a li ser polîtîkaya ziman weşand.
Sernivîsa lêkolîna dawî Polîtîkaya Ziman a li Afrîkaya Başûr a Piştî-Apartheidê ye.
Xebata ji aliyê Michelle Maziwisa ve hatiye amadekirin, agahiyên îstatîstîkî yên derbarê ziman de jî dihewîne.
Lêkolîn bi kurtedîroka naskirina fermî ya zimanên bindest ên Afrîkaya Başûr dest pê dike.
Paşê, agahiyên derbarê bikaranîna ziman a di perwerde, saziyên fermî û belediyeyan de tê pêşkêşkirin.
Di dawiyê de jî nîqaş û rexneyên li ser polîtîkaya ziman a li vî welatî ligel bi argumanên dijber ciyê xwe digire .
Zimanên Afrîkaya Başûr
Bi makeqanûna 1996’an, Afrîkaya Başûr ligel Afrîkaan û Îngilîzî 9 zimanên din wekî zimanên fermî naskir.
Zimanên hatin naskirin ev bûn: isiNdebele, isiXhosa, isiZulu, Sepedi, Sesotho, Setswana, siSwati, Tshivenda and Xitsonga.
Dema rejîma apartheidê ya nîjadperest de, zimanê serdest Afrikaan bû ku ji aliyê ewrûpiyan ve tê axaftin.
Beriya vê, Îngilîzî wekî zimanê emperyalîzma brîtanî li zimanê serdest ê Afrîkaya Başûr bû.
Di rêvebiriya Kongreya Neteweyî ya Afrîkayê de prestîja zimanên xweciyên reşik ên welêt gav bi gav bilind bû.
Tevlî vê, bikaranîna zimanên afrîkî di sektora perwerde, kar û rêvebiriya fermî de zêde bû.
Lê digel vê jî îngilîzî wekî zimanê hevpar ê di navbera komên etnîk ên cihê de serdestiya xwe domand.
Li aliyekî din, gav bi gav bi kesên bi zimanê Afrikaan dipeyivin hesta marjînalbûna ziman peyde dibe û ew dibe sebeba reaksiyonan.
Ev meseleyên aktuel ên derbarê ziman de mijarên lêkolîna dawî ya Forûma Federasyonan e.
Forûma Federasyonan
Forûm bi pêşengiya hukumeta Kanadayê, di 1999’an de li Quebecê hate damezrandin.
Rêxistin li ser pratîka federalîzmê û desentralîzasyonê lêkolînan dike.
Kanada, Belçîka, Awustralya, Brazîl, Etiyopya, Almanya, Hîndistan, Meksika, Nîjerya û Pakistan endamên vê rêxistinê ne.
