Înfo Welat Enformasyon Ji Bo Welat
Gotarên Têkildar
Hilbijêrên yewnan girtina tedbîrên aboriyê yên ku ji aliyê Yekitiya Ewropayê û Fona Pereyan a Navneteweyî dihatin pêşniyazkirin red kir.
Di referandûma 5’ê Tîrmehê de ji welatiyan hatibû xwestin ku ew peymana ji aliyê YE, Bankeya Navendî ya Ewropî û Fona Pereyan a Navneteweyî (IMF) ve hatibû pêşniyazkirin qebûl dikin an na.
Encamên hilbijartinê wiha ne:
Erê /Qebûl dike: % 38.69
Deng: 2,245,537
Na / Qebûl nake: % 61.31
Deng: 3,558,450
Beşdariya hilbijartinê: % 62.5
Piştî van encaman, tê ragihandin ku çar senaryo li pêşiya têkiliyên Yewnanîstanê û YE’yê heye. Di senaryoya yekemîn de wê Troikaya YE’yê ku ji her sê dewletên mezin ên yekitiyê pêk tên, mecbûr bibînin deynên Yewnanîstanê ji % 30 daxin. Li gorî senaryoya duyemîn, wê hikumeta Syrizayê baca zengînên welat zêde bike. Di senaryoya sêyemîn de jî wê Yewnanîstan ji qada Euroyê derkeve û vegere pereyê xwe yê kevn Drahmi. Di senaryoya dawî de jî wê hikumeta Syrizayê dûrî Ewropayê bikeve û xwe nêzîkî Rûsya û Çînê bike.
*Oxsi: Bi yewnanî na.
Înfowelat
