Infowelat Enformasyon Ji Bo Welat
Gotarên Têkildar
ROJIN û Însiyatîfa Rojnamevanên Kurdistanê ji bo Gulistan Tara û Hero Behadîn çalakîyekê li dar xistin.
Ciyê vê çalakîyê pêşîya Sefaretxaneya Iraqê ya li Brukselê bû.
ROJIN û Însiyatîfa Rojnamevanên Kurdistanê ji bo Gulistan Tara û Hero Behadîn çalakîyekê li dar xist.
Ciyê vê çalakîyê pêşîya Sefaretxaneya Iraqê ya li Brukselê bû.
Xebatkarên medyaya kurd ên li Belçîkayê tevlî vê çalakîyê bûn û herwiha Navenda Civaka Kurd a Demokratîk a Belçîkayê destekê da çalakiyê de.
Di bernameyê de bi kurmancî, soranî, îngilîzî û erebî daxuyanîyê hat xwendin.
Daxuyanîya kurmancî ji alîyê rojnamevan Gulistan Çiya Îke ve hat xwendin.
Di daxuyanîyê de polîtîkayên şer ên dewleta tirk hatin şermezarkirin û bêdengîya Iraqê hat protestokirin.
Herwiha ji Iraqê van daxwazan hatin kirin:
– Divê ewlekariya jiyana rojnamevanan û şert û mercên wan ên ji bo îcrakirina karê xwe bû dabînkirin,
– Divê mafê civakê yê wergirtina agahiyan bê parastin,
– Failên qetilkirina rojnamevanan bên cezakirin.”
Piştî daxuyanîyê, şandeyeke ji 3 jinên rojnamevan pêk dihat, bi nûnerên Sefaretxaneya Iraqê re hevdîtineke kurt kirin û daxwazên xwe pêşkêşî wan kirin.
Li Silêmanîyê hatin kuştin
Rojnamevanêm kurd Gulîstan Tara û Hêro Bahadîn DI 23yê Tebaxê de li navçeya Seyidsadiq a bi ser Silêmaniyê ve ji alîyê balafirireke bêmirov a Tirkiyeyê ve hatibûn qetilkirin.
Gulîstan Tara û Hêro Bahadîn di dema êrişê de di wesayîta şîrketa Chatr Productionê de bûn.
Di êrîşê de rêveberê Chatr Productionê Rêbîn Bekir jî di nav de, 6 kes birîndar bûbûn.
Berîya vê êrişê, di 15? tebaxê de Tirkiye û Iraq Peymana Hevkariya Leşkerî, Ewlekarî û Dijî Terorê” mor kiribûn.
——————————————————-
Fotoyê sereke: Rojnamevana kurd Gulistan Çiya Îke piştî hevdîtina bi nûnerên Sefaretxaneya Iraqê re daxuyanîyek da çapemenîyê.
Infowelat
