Pûtîn: Ambargo civaka ewrûpayê hilweşand

Pûtîn her cara ku derbarê aloziya Rûsya û welatên Rojava de devê xwe vedike, gotinên wî dibin rojev.

Serokê Rûsyayê Vladîmîr Pûtîn vê carê jî qala ambargoyên li dijî welatê xwe kir û ajot ser Yekitiya Ewrûpayê.

Pûtîn di Forûma Aboriyê ya Rojhilat ya li bajarê Vladîvostokê axivî û derbarê hin mijaran de gotinên balkêş kirin.

Serokê Rûsyayê got, qelîteya jiyanê ya Ewrûpayê di bin ambargoyan de hilweşiya ye û ji bo vê encamê, rêvebiriyên welatên Ewrûpayê tometbar kir.

Zadê Ûkraynayê

Putîn li ser peymana korîdora zad a bi Ûkraynayê re jî axivî û îdîa kir, hema hema hemû zadên vî welatî di dewsa welatên xizan de, dikeve destên welatên dewlemend.

Yek ji mijarên Pûtîn li ser sekinî, geşbûna aboriyê ya li herêma Asya-Pasîfîkê bû.

Lîderê Rûs got, welatên li vê herêmê ev demeke dirêje ji asta cîhanê zêdetir pêş dikevin.

Pûtîn di axaftina xwe de li ser têkiliyên vê herêmê yên bi Rûsyayê re jî sekinî û got, welatên Asya-Pasîfîkê ambargoyên Ewrûpa û Amerîkayê qebûl nakin û danûstendina xwe ya bi Rûsyayê re didomînin.

Derbarê infowelat.com

Li vê jî binêre

Yûnanistan di 1829an de bû serbixwe

Gelê yûnan di 1821an de li hemberê osmanîyan dest bi serhildaneke çekdarî kir. Di encama …