Infowelat Enformasyon Ji Bo Welat
Gotarên Têkildar
A.Rahman Çelîk
Hilbijartina parlamentoyê ya Slovakyayê li bû sebeba serkeftina siyaseta dûrî tifaqa Rojava.
Li gorî encaman, SMER-SD ku partiya serokwezîrê berê Robert Fico ye, bû hêza siyasî ya yekem
Welatên Rojhilatê Ewrûpayê bi siyaseta xwe ya serdest gav bi gav ji Yekitiya Ewrûpayê dûr dikevin.
Slovakya bi dûv Hûngaryayê welatê duyemîn e ku di aloziya Rusya-Ukraynayê de naxwaze bi ya NATO-Yekitiya Ewrûpayê bike.
Hilbijartina parlamentoyê ya li vî welatî bû sebeba serkeftina siyaseta dûrî tifaqa Rojava.
Li gorî encaman, SMER ku partiya serokwezîrê berê Robert Fico ye, bû hêza siyasî ya yekemîn.
Tevî vê jî, partiya Robert Fico di parlamentoyê de piraniyê bi dest nexist.
Robert Fico bi alîgiriya xwe ya ji bo Rûsyayê tê zanîn û ji bo avakirina hukumetê pêdiviya wî bi koalîsyonê heye.
Progresívne Slovensko (PS) ya dilxwazê Rojava di berebaziya polîtîk de bû partiya duyemîn.
Ev partî di anketên beriya hilbijartinan de yekemîn derdiket.
Naxwaze alikariya Ukraynayê bike
Robert Fico di kampanyaya hilbijartinê de soz dabû wê piştevaniya leşkerî ya ji bo Ûkraynayê bide sekinandin.
Slovakya ligel Yekîtiya Ewrûpayê êndamê NATO’yê ye.
Her du alî di aloziya Rûsya-Ukraynayê de bi eşkereyî destekê didin Ukraynayê.
Lewma ji niha ve diyare, polîtîkaya rêvebiriya Slovakyayê wê Yekitiya û NATO’yê aciz bike.
