Infowelat Enformasyon Ji Bo Welat
Gotarên Têkildar
Hilbijartinên 28’ê Gulanê li Welatê Baskê bi serkeftina partiyên netewperwer bi dawî bû.
EH-Bildu di hilbijartinên belediyeyan de li seranserê Welatê Baskê 1050 kursiyên meclîsên belediyeyan bi dest xist.
PNV di hilbijartinên belediyeyan de dengên xwe kêm kirin û bû xwediyê 981 kursiyên meclîsên bajaran.
Di hilbijartinên ji bo her sê parlamentoyên herêmî de jî partiyên serxwebûnxwaz careke din bi ser ketin.
Hilbijarinên 28’ê Gulanê li Welatê Baskê bi serkeftina partiyên netewperwer bi dawî bû.
Partiya PNV-EAJ û EH Bildu’ya serxwebûna welêt daxwaz dikin, piraniya belediyeyan û parlamentoyên herêmî bi dest xistin.
EH Bildu li seranserê Welatê Baskê 1050 kursiyên meclîsên belediyeyan bi dest xist.
PNV di hilbijartinên belediyeyan de dengên xwe kêm kirin û bû xwediyê 981 kursiyên meclîsên bajaran.
Bi vê encamê, şaredariya Bilbao û Donostiayê careke din ket destên PNV’yê.
Lê belê EH Bildu li paytexta welêt Vitoria-Gazteizê PNV’ê têk bir û bû xwediyê şaredariya bajêr.
Ev partiya serxwebûnxwaz a çepgir cara ewil li vê bajarî hate ser kar û bi vê serkeftinê balê kişand ser xwe.
Hilbijartinên ji bo parlamentoyên herêmî
Di hilbijartinên ji bo Juntas Generales de (Parlamentoyên Herêmî) jî partiyên serxwebûnxwaz careke din bi ser ketin.
PNV bi rêjeya 35 ji % dengan 350.000 deng wergirt û bû xwediyê Parlamentoyên Alava (bi Baskî Araba) û Bizkaiayê.
EH Bildu nêzîkî 300.000 dengan wergirt û bi 29 ji % dengan di Parlamentoya Gipuzkoayê de bû hêza siyasî ya yekemîn.
EH Bildu hejmara kursiyên xwe yên di vê parlemenê de 5 zêde kirin û 22 kursî bi dest xistin.
Ev partî li Navarrayê jî dengên xwe bilind kir û di hilbijartina ji bo paytext Pamplona/Iruñayê de namzetê wê dengê herî zêde wergirt.
Arnaldo Otegi hişyar kir
Arnaldo Otegi îdîa kir, PNV-EAJ’ê ji bo rêvebiriya EH-Bildu ya li Parlamenyoya Gipuzkoayê asteng bike, dixwaze bi PP (Partiya Gel) a Îspanyolîst hevkariyê bike.
Lîderê EH Bildu di hevpeyvîna xwe ya di radyoya Baskê de ligel analîza li ser serkeftina partiya xwe hişyariyekê jî kir.
Otegi got, PNV-EAJ ji serkeftina partiya wî gelek aciz bûye ji bo pêşîgirtina EH Bildu’yê ketiye nava hewldanan.
Otegi îdîa kir, PNV-EAJ’ê ji bo rêvebiriya EH-Bildu ya li Parlamenyoya Gipuzkoayê asteng bike, dixwaze bi PP (Partiya Gel) a Îspanyolîst hevkariyê bike.
PP partiya herî mezin a netewperest a rastgir e ku li hemberê serxwebûna Katalonya û Welatê Baskê helwesteke tûnd nîşan dide.
PP partiya herî mezin a netewperest a rastgir e ku li hemberê serxwebûna Katalonya û Welatê Baskê helwesteke tûnd nîşan dide.
Herwiha lîderê Baskî diyar kir, bi riya hevkariya bi PP’ê re dixwaze li bajarên Vitoria-Gasteiz Pamplona/Iruñea û Durangoyê jî pêşiya EH-Bilduyê bike
