Fransa ji bo DAIŞa Xorasanê tedbîran digire

A.Rahman Çelîk

DAIŞ xwe di nava penaberên li Fransayê de zindî dike.

Çavkanîyên ewlekarîyê radigihînin Fransa li hember DAIŞa Xorasanê tedbîran digire.

Fransayê bal kişand ser xetereya rêxistina DAÎŞa Xorasanê.

Midîreya Giştî ya Ewlekariya Navxweyî ya Fransayê Celine Berthonê derbarê mijarê de axivî.

Celine Berthonê di hevpeyvîna xwe ya di Le Pointê.de diyar kir, wan vê rêxistina çeteyan kirine hedefa xwe ya sereke.

Berthonê li ser DAÎŞ’a Xorasanê got:

Celine Berthon/Le Point

“Vê rêxistina ku navenda wê li Afganistan û Pakîstanê ye, ji Asyaya Navîn û Kafkasyayê xwe bera nav Ewrûpayê daye û hin ji wan ketine nav koçberên Fransayê û wan li gorî armancên xwe dixin hereketê.”

Celine Berthonê pêşdeçûna DAÎŞê ya li herêma Sahel û Afrîkayê jî bi bîr anî gotinê anî ser Sûriyê:

“Xetere dewam dike. Li Sûriyeyê hîn jî piştevaniya DAÎŞ’ê tê kirin.”

Tirkîye rêxistinê dihewîne

Hêjayî bibîrxîstinê ye, Tirkîye li hember Rojava bi salane destekê dide vê rêxistinê.

Tirkîye di vê çarçoveyê de piştevaniya DAÎŞa Xorasanê jî dike.

Hevserokê PYD’ê Salih Muslîm di roportajekê de têkîliya dewleta Tirk û DAÎŞ’ê weha eşkere kiribû, gotibû:

“DAÎŞiyên hatine Rojava, piraniya wan ji welatên wekî Tacikistan, Kazakistan û Afganistanê ne. Ji vê yekê diyar e ku li Asyaya Navîn planên dewleta tirk hene, dixwazin li van herêman tevliheviyê pêk bînin.”

Dewleta tirk di êrîşên li ser Bendava Tişrînê jî van çeteyan bi kar tîne.

Infowelat

——————————————

Foto: Ala Fransayê

 

 

 

 

 

 

 

 

 

Derbarê infowelat.com

Li vê jî binêre

Greenland hilbijartineke krîtîk li dar dixe

Parlamentoya Greenlandê biryar da, di 11ê adarê de hilbijartin bên lidarxistin. Wisa xuya dike, wê …