Infowelat Enformasyon Ji Bo Welat
Gotarên Têkildar
Artêşa Venezûelayê bi daxûyanîyekê destekê da hukumeta Maduro ya li ser kar.
Wezîrê Parastinê û serfermandarê artêşê got, banga mixalefetê ya ji bo midaxaleya hêzên ewlekarîyê “bangeke tewşe û îxanet e.”
Artêşa Venezûelayê bi daxûyanîyekê destekê da hukumeta Maduro ya li ser kar.
Daxuyanî ji alîyê Wezîrê Parastinê û serfermandarê artêşê Vladimir Padrino ve hat dayîn.
Padrino got, banga mixalefetê ya ji bo midaxaleya hêzên ewlekarîyê “bangeke tewşe û îxanet e.”
Lîderên mixalefetê Edmundo Gonzalez Urrutia û Maria Corina Machado bang li artêşê û polîsan kiribûn, “li gel civakê cîyê xwe bigirin”.
Vê bangê di cî de rastî lêpirsîna dozgerên Venezûelayê hatibû.
Dozgeran di îdîanameya xwe de balê kişandibûn ser “lawazkirina yekîtîyê û dewletê.”
Alozîya dawî ya li Venezûelayê ji ber hilbijartinên serokatîyê pêk hatibû.
Serokê Venezûelayê Nicolas Maduro bi % 51ê dengan jinûve serokê welêt hatibû ragihandin.
Mixalefet vê encamê red kiribû û bi rojan xwepêşandan hatibûn lidarxistin.
Di encama êrişên hêzên dewletê de 24 kes hatibûn kuştin û 2,000 kes hatibûn girtin.
Amerîka û çend welatên li parzemîna Amerîkaya Latîn destekê dabûn mixalefetê û encamên hilbijartinê red kiribûn.
—————————————–
Foto: Wezîrê Parastinê û serfermandarê Artêşa Venezûelayê Vladimir Padrino
Infowelat
