Li Sarawakê tevgera xweseriyê pêş dikeve

Li herêma Sarawakê ya girêdayê Malezyayê ji % 11’yê welatiyan daxwaznameyekê ji bo xweseriyê îmze kirin. Di heman demê de anketeke dawî jî derxist holê ku ji % 85’ê welatiyên li Sarawakê daxwaza xweseriya herêmê dikin.

Platforma xweserîxwaz Sarawak ji bo Sarawakiyan (Bi îngilîzî Sarawak 4 Sarawakians-S4S) da xuyakirin ku wê 300,000 îmzeyên ku daxwaza xweseriya berfireh a di nava Malezyayê de dikin berhev kiriye. Ev hejmar beranberê ji % 11’yê hemû nifûsa herêmê dike û lewma ji bo platformê serfiraziyek tê hesibandin.

Bi anketekê jî derket holê ku li herêmê li gorî komên etnîk desteka ji bo serxwebûnê wiha ye: Çînî % 95, bumiputerayên misilman % 79 û bumiputerayên ne misilman ji % 79. Ev rêje nîşan didin ku desteka ji bo xweseriyê di nava welatiyên çînî de pir bilind e.

malaysia_sarawak_sabah2

Platforma S4S bi xebata xwe bi ser ket ku mijara xweseriyê têxe nava rojeva siyasî ya herêmê. Ji ber xurtbûna platforma xweseriyê, wezîrê Sarawakê Tan Sri Adenan Satem û serokê partiya mixalif Baru Bian didin xuyakirin ku armanca wan a sereke xweseriya herêmê ye.

Di 2015’an de Serokwezîrê Malezyayê Datuk Seri Najib Tun Razak pakêta yekemîn a transferkirina hêzên xweseriyê yên ji bo Sarawakê qebûl kir. Mixabin paşê guherînên qanûnî ku ji bo avêtina vê gavê pêwîst bûn, hatin taloqkirin.

Sarawak tevlî herêmên Sabah, Malaya û Sîngaporê ku hemû jî koloniyên Brîtanyayê bûn, di 1963’an de Federasyona Malezyayê pêk anî. Di peymana damezrandina federasyonê de ji bo Sarawak û Sabahê xweseriyeke berfireh hat naskirin lê di pratîkê de Malezya xweseriyeke bi sînor a van her du herêman xist meriyetê. S4S daxwaz dike ku ji bilî karên derve, parastina herêmê û ewlehiya navxweyî, hemû hêzên din transferê herêmê bê kirin.

Înfowelat

 

About infowelat.com

Check Also

Katalonya xebata dîplomasiyê xurtir dike

Konseya Komara Katalan delegasyonên dîplomasiyê dişîne  Andorra, Meksîka, Afrîkaya Başûr û Şîliyê. Konseya ku di …