Înfo Welat Enformasyon Ji Bo Welat
Gotarên Têkildar
Serokê Tirkiyeyê Tayyib Erdogan çû serdana lîderê Ûkraynayê Volodimir Zelensky.
Erdogan li bajarê Lvivê ya li rojavayê Ûkraynayê ji aliyê Zelensky ve hate pêşwazîkirin.
Hevdîtina di navbera her du lîderan de ji ji çapemeniyê re girtî pêk hat.
Lewma jî wekî hevdîtina Erdogan û Putin a li Soçiyê, naveroka vê hevdîtinê jî veşartî ma.
Sekreterê Giştî yê Neteweyên Yekbûyî Antonio Guterres jî dûre beşdarî hevdîtina Erdogan û Zelesnky bû.
Guterres, Erdogan û Zelensky li ser hewildanên ji bo bidawîkirina şer, korîdora xurekan û ewekariya santrala nukleer a Zaporojyeyê axivîn.
Li pêyî hevdîtinê, her sêyan daxuyaniyeke hevpar dan çapemeniyê.
Erdogan got, Tirkiye amadeye ji bo bidawîkirina şer bibe navbeynkar.
Herwiha Erdogan da zanîn, wan li ser mijara leşkerên êsîr jî gotûbêj kirine.
Ewlekariya Zaporojyeyê
Guterres jî di axaftina xwe de, li ser Santrala Nukleer A Zaporijyayê sekinî.
Sekreterê Giştî yê Neteweyê Yekbûyî got, santral divê wekî parçeyekî operasyona leşkerî neyê bikaranîn.
Hêjayî gotinê ye, Rûsya û Ûkrayna ji hingê ku Rûsyayê santral bi dest xistiye vir ve, hevdu bi bombebaranê tawanbar dikin.
Vê santrala herî mezin a Ewrûpayê gelekî nêzîkî xeta şer e.
