Infowelat Enformasyon Ji Bo Welat
Gotarên Têkildar
Rêxistina zarokan a Neteweyên Yekbûyî UNICEFê encamên êrîşên li Xezayê eşkere kirin.
UNICEF got, di deh rojên dawîn de herî kêm 322 zarok hatin kuştin.
Rêxistina zarokan a Neteweyên Yekbûyî UNICEFê ji bo êrîşên Îsraîlê yên li ser Xezayê daxuyanî da.
UNICEFÊ got: “Di navbera deh rojên dawîn de, herî kêm 322 zarok hatine kuştin û 609 zarok jî birîndar bûn.”
UNICEF dibêje, piraniya zarokan ji ciyûwarên wan hatibûn kirin û di konan an jî di xaniyên xerabe de dijiyan.
Seroka UNICEFê Catherine Russellê di derbarê rewşa dawî de wiha axivî:
“Agirbesta Xezayê ji bo zarokan bûbû sîwana ewlekariyê. Lê niha zarok careke din ketin nava fitloneyeke şîddet û feqîriya kuştar.”
Îsraîl agirbestê xera kiribû
Îsraîlê di 18yê adarê de agirbest xera kiribû û ji nû ve dest bi êrîşan kiribû.
Ji wê rojê û vir ve, Îsraîl li Xeta Xezayê bombebaranê dike û li bejayî jî operasyonên leşkerî pêk tîne.
Li gorî daneyên hikumeta Hamasê, ji 18yê adarê û vir ve herî kêm hezar û yek kes hatine kuştin.
Ji destpêka şerê Hamas û Îsraîlê ji 50 hezarî zêdetir Filîstînî hatin kuştin.
UNICEF destnîşan dike, 15 hezarên vê hejmarê zarok in.
Infowelat
——————————————
Foto: Ala UNICEFê
