Swîsre mafê penaberiya da 69 hezar ukraynaniyan

Swîsre mafê penaberiyê da li derdora 69 hezar welatiyên ji Ukraynayê

Koçberên ji Ukraynayê mafê statuya parastinê S werdigirin

Ji bilî alîkariya li kantonan, Swîsre salane 3000 CHF pere dide ukraynayiyan

Swîsre agahiyên nû yên li ser koçberên ji Ukraynayê weşandin.

Li gorî vê, ji destpêka şer û vir ve 71.140 welatiyên Ukraynayê serî li penaberiyê dan e.

Daneyên derbarê koçberên ji vî welatî de her hefte ji aliyê Sekreteriya Koçberiyê (SEM) ve tê weşandin.

SEM di enformasyona xwe ya dawî de diyar kir, 68.766 ukraynayiyan li Swîsreyê mafê penaberiyê wergirtine.

Swîsre bi biryara xwe ya 12 adar 2022’an mafê statuya parastinê S ji bo ukraynaiyan xistibû meriyetê.

Bi vê statuyê, welatiyên Ûkraynayê li Swîsreyê dibin xwedî mafê demî ya penaberiyê.

Hukumeta Swîsreyê paşê biryar girtibû, ji bilî desteka heyî ya li kantonan, salane 3.000 CHF pere bide penaberan.

Di rapora dawî ya SEM’ê de agahiyên derbarê hejmara penaberên ukraynayî yên li welatên din ên Ewrûpayê jî tên parvekirin.

Li Swîsre û welatên din ên Ewrûpayê hejmara ukraynayiyên serî li penaberiyê dane.

Ji daneyan xuya dibe, Rûsya bi 2.852.000 kesî hejmara herî zêde ya penaberên ji Ukraynayê dihewîne.

Ji bilî Rûsyayê, ukraynayê herî zêde koçî van welatan kirine:

  • Polonya:             1.498.000
  • Almanya:           1.000.000
  • Çekya:                460.000
  • Îtalya:                 164.000
  • Îspanya:             153.000

About infowelat.com

Check Also

Aktion Vierviertel: Bila Swîsre mercên welatîbûnê hêsan bike

Koma bi navê Aktion Vierviertel daxwaz kir, kesên 5 sal in li Swîsreyê dijîn, bikaribin …