Infowelat Enformasyon Ji Bo Welat
Gotarên Têkildar
Moskow derbarê sebebên teqînê de daxuyaniyek fermî da
Putin bûyerê wekî êrîşeke terorîstî bi nav kir û Ûkraynayê tometbar kir
Piştî teqîna mezin a li pira Kerçê ya li Kirimê, Kremlîn daxuyaniya xwe ya fermî da.
Putin di daxuyaniya xwe de agahiyên tîma vekolînê jê re şandibû pêşkêşî raya giştî kir.
Lîderê Rûsyayê got, “ wekî rapora tîmê jî eşkere dike, êriş bûyereke terorê ye.”
Putin wiha axivî:
Hemû agahiyên ji vekolîna destpêkê nîşan didin, bê şik û guman êrişên terorî ji aliyê serwîsên taybet ên Ûkraynayê ve hatine kirin.
Putin got, Ûkrayna dixwaze bi van êrişan binesaziya krîtîk a Federasyona Rûsyayê hilweşîne.
Di 7’ê cotmehê de li ser Pira Kirimê di qemyonekê de teqîneke mezin pêk hatibû û ji ber vê, beşeke pirê hilweşiya bû.
Pira Kerçê
Di 7’ê cotmehê de li ser Pira Kirimê di qemyonekê de teqîneke mezin pêk hatibû û ji ber vê, beşeke pirê hilweşiya bû.
Di teqînê de zirar gihîştibû riya hesinî jî û lewma sefera trênan a di ser pirê re hatibû sekinandin.
Pira Kerçî ya li Kirimê, bi dirêjahiya xwe ya 19 kîlomêtroyî tekane riya bejahiyê ye ku herêmê bi Rûsyayê ve girê dide.
Lewma jî teqîna li pirê wekî derbeyeke mezin a li dijî îstikrara Kirimê û sewqiyata lojîstîk a ji bo herêmê tê qebûlkirin.
