Infowelat Enformasyon Ji Bo Welat
Gotarên Têkildar
Meclîsa Parlamenteran A Konseya Ewrûpayê (MPKE) bi hinceta li ser Tirkiyeyê civînîneke awarte lidarxist.
Meclîsa fikarên xwe îfade kirin û hikumeta Enqereyê bi tundî rexne kirin.
Meclîsa Parlamenteran A Konseya Ewrûpayê (MPKE) bi hinceta “mijara lezgîn” li ser Tirkiyê civîn li dar xist.
Girtina Şaredarê Stenbolê Ekrem Îmamoglu û zordariya darazê ya li dijî çalakiyên protestoyê hatin nirxandin.
Piştî gotûbêjê, pêşnûmabiryara ji aliyê parlementerê Awusturyayî Stefan Schennachg û parlementerê Brîtanî Lord David Blencathra ve hatibû amadekirin ket dengdanê.
Biryar li gel 8 dengên li dij, bi 90 dengan hat qebûlkirin.
Her 8 kesên dengên red dan wekîlên Tirkîyeyê bûn.
Di biryarê de nexneyên tund li hikumeta Tirkiyeyê hatin kirin.
Hat gotin, desthilat bi kiryarên siyasî dixwaze dengê mixalefetê qut bike, pirengiyê ji holê rabike û azadiya nîqaşa siyasî asteng bike.
Di biryarê banga “Aştî û Civaka Demokratîk” a Abdulah Ocalan êrênî hat nirxandin.
Tevî vê jî, girtina Îmamoglê ya li pêyî girtinê, bûyereke “xeyalanşikenand” hat pênasekirin.
Rêya Tirkîyeyê nayê vekirin
Herwiha, MPKE destnîşan kir, tevî ku girîngiya jeostratejîk a Tirkîyeyê zêde dibe jî, ji ber bûyerên heyî wê rêya endamtiya Yekîtiya Ewrûpayê ya Tirkiyê neye vekirin.
Komîteya Karên Derve ya MPKEyê 9 nîsanê de li Brukselê li ser babetê danezan belav kir.
Hat diyarkirin, pêdiviyên jeopolîtîk û stratejîk nikarin têkevin pêşiya têgehên demokratîk.
Meclîsê di daxuyanîya li ser mijarê de jî got, helwesta hikumetê “Tirkiye bi temamî dixe bin kontrola rêveberiyeke otorîter.”
Hat gotin, proseya beşdariyê ya Tirkîyeyê ya hatîye sekinandin, di bin şert û mercên heyî de nikare dest pê bike destpêkirin.
Deklerasyona MPKE
Komîteya Karên Derve ya MPKE deklerasyonekê jî weşand.
Nirxên demokrasîyî, serdestiya hiqûqê, mafên mirovan, parastina kêmaran, rûmeta hiqûqa navneteweyî, parastina polîtîkaya hevpar a derve û ewlekariyê di deklerasyonê de cî girtin.
Di belgeye de hat dîyarkirin, proseya beşdariyê ya Tirkîyeyê ku hatîye sekinandin, di bin şert û mercên heyî de nikare bide destpêkirin.
Deklerasyon li dij 3 dengên neyînî, bi 48 dengan hat qebûlkirin.
23 parlamenter di dengdanê de bêalî man.
Foto: Logoya Meclîsa Parlamenteran A Konseya Ewrûpayê (MPKE)
