Infowelat Enformasyon Ji Bo Welat
Gotarên Têkildar
A.Rahman Çelîk
Di şerê Îsraîl û Îranê de her çiqasî agirbest pêk hat jî, rageşiya Îran û welatên Rojava ya li ser bernameya nukleer dewam dike.
Îranê hevkariya bi Ajansa Navneteweyî ya Enerjiya Atomî re da rawestandin.
Serokê parlementoya Îranê Mûhemmed Baqir Qalibaf ragihand ku wan hevkariya bi Ajansa Navneteweyî ya Enerjiya Atomî (IAEA) re dane rawestandin.
Berdevkê Parlamentoya Îranê Hadîn Tehan Nezîf destnîşan kir ku serokê parlamentoyê Ajansa Navneteweyî ya Enerjiya Atomê (IAEA) agahdar kiriye ku Tehranê hevkariya li gel wê rawestandiye.
Serokê Parlamentoya Îranê Mûhemmed Baqir Qalibaf demek berê IAEA’yê sûcdar kiribû ku agahiyên di der barê navendên nukleerî yên Îranê de dide Îsraîlê û êrişên Îsraîlê yên li ser welatê wî şermezar nekiriye.
Serokê Parlementoyê got, heya ku ewlehiya tesîsên nukleerî yên Îranê neyên mîsogerkirin, Rêxistina Enerjiya Atomê ya Îranê wê hevkariyê bi IAEA’yê bide sekinandin.
Wezîrê Karên Derve Abbas Araqçî li ser mijarê bersiv da gotinên serokê Amerîkayê Donald Trump ên ku dibêje “hefteya borî emê hevdîtinê bikin”.
Wezîrê Karên Derve yê Îranê got: “Ji bo hevdîtinan heta niha me tu biryar nedaye, lewma jî guh nedin van diyardeyan.
Abbas Araqçî pê re jî got: “Êrîşên Amerîka û Îranê zirar daye pêvajoya dîplomatîk. Pêvajoya babetê ne bi darê zorê, incax bi rûmetdayîna mafên navneteweyî dikare pêş bikeve.
Li pêyî êrîşên Amerîka yên li tesîsên nuklere ên Îranê, nîqaşek li ser bingeha nukleer a ku dibêje zirar nedîtiye hebû.
Îranê ûranyûmê veşartîye?
Tê gotin ku Îranê stoka ûranyûma dewlemendkirî, beriya êrîşan şandîye ciyekî din, lewma jî tu zirar nedîtiye.
Li gorî îstixbarata xwe disipêre du çavkaniyan, paytextên Ewrûpayê dibêjin Îranê 408 kîlo ûranyûma ku dikare di hilberîna çekan de bê bikaranîn, beriya êrîşa Amerîkayê ji tesîsên Fordoyê neqlê ciyekî din kirîye.
Lîderê olî yê Îranê Ayetullah Elî Xamaney, li pêyî agirbesta bi Îsraîlê re derket pêşberî gel, û îddia kir ku wan serketfin bi dest xistiye.
Ayetullah Elî Xamaney destnîşan kir ku wan şîmaq li rûyê Amerîkayê xistine.
Lîderê Îranê diyar kir ku Amerîkayê ji vî şerî tu qezenc bi dest nexistiye.
Pê re jî îddia kir ku Amerîka ji bo rejîma Îsraîlê bi temamî nerûxe, beşdarî şer bûye.
Infowelat
