Infowelat Enformasyon Ji Bo Welat
Gotarên Têkildar
Amerîka biserdegirtina vîllaya serokê berê Donald Trump nîqaş dike
Lêgerîna polêsan a vîllayê de dijberiya di navbera Komarger û Demokratan de mezintir dike.
Siyaseta Komarger beriya hilbijartina serokatiyê, li ser planên tolhildanê difikire
Endamên îstixbarata navxweyî ya Amerîkayê FBI, roja duşemê bi ser vîllaya Trump a li Florîdayê de girtin.
Hejmarake zêde polês û ajanên girêdayî îstixbaratê di vîllayê de dest bi lêgerîneke berfireh kirin.
Armanca FBIyê di nava vê koşkê de dîtina belgeyên dewletê de bû.
Gumana FBIyê ew e, Trump di dema serokatiya xwe de hin belgeyên dewletê di koşka xwe de veşarti be.
Lêbelê serdegirtina vîllayê di cîh de bandorê li siyaseta Amerîkayê kir û rastî reaksiyonên Partiya Komarger hat.
Reaksiyona Komargeran
Lîderê kêmara Komarger ê Meclîsa Nûneran Kevin McCarty bi daxuyaniyekê gef li Wezareta Edaletê ya Amerîkayê xwar.
Nûnerê Komargeran îdîa kir, Wezareta Edaletê ji aliyê rêvebiriya Bîden ve ji bo armancên polîtîk tê bikaranîn.
Herwiha MacCarty diyar kir, eger sala bê partiya wî li Meclîsa Nûneran piraniyê bi dest bixe wê derbarê wezaretê de vekolînekê bide destpêkirin.
Tê ragihandin, biserdegertina vîllaya Trump dikare bandorê li proseya hilbijartina serokatiyê ya 2024an jî bike.
Li gorî hin şîroveyan, bûyera dawî dikare Trump têxe nava hereketê û bibe sebeb, beriya hilbijartina qonaxa navîn a Mijdarê, namzetiya xwe ya ji bo serokatiyê îlan bike.
