Înfo Welat Enformasyon Ji Bo Welat
Gotarên Têkildar
Eslîxan Yildirim û Samî Tan di 10em Kongreya PENa Kurd de weke hevserok hatine hilbijartin.
PENa Kurd kongreya xwe ya 10em roja 22yê Hezîrana 2019an li bajarê Oldenburgê yê Almanyayê pêk aniye. Kongre bi beşdarîya nêzî 100 endam û mêvanan bi rê ve çûye. Di kongreyê de xebatên PENê û xebat û têkoşîna rewşenbîrîya kurdî hatiye nîqaşkirin û nirxandin. Her wiha di çarçoveya kongreyê de bi dirûşma “Liberxwedan di neynika wêjeyê da” konferansek jî pêk hatiye.
Di kongreyê de nûnerê PENa Almanyayê amade bûye û di serî da navenda PENa Navneteweyî, navendên PENê yên gelek welatan jî bi peyaman piştgirîya xwe ji bo PENa Kurd diyar kirine.
Di kongreyê da desteya rêveber (9 esil, 6 cihgir) bi dengê 63 endaman hatiye hilbijartin. Her wiha di kongreyê de Şêrzad Hesen û Bêrîvan Dostkî jî wekî serokên rûmetê hatin pejirandin.
Roja 23yê Hezîranê desteya rêveber di bin serperiştîya dîwana kongreyê da pêk hatiye. Serokên dîwanê Zerdeşt Haco û Bêrîvan Dostkî civîn bi rê ve birine. Di civînê da karbeşî hatiye kirin û Eslîxan Yildirim û Samî Tan wekî hevserokên PENa Kurd hatine hilbijartin. Her wiha peywirên mayî jî bi vî rengî hatine dabeşkirin:
Sekreterê Giştî:
Omer Fîdan
Endamên Bûroya Sekreterîya Giştî:
Jîyar Cîhanferd- Ronî Stêrk
Berpirsên Darayî:
1- Kakşar Oremar
2- Salihê Kevirbirî
Komîteya Nivîskarên di Zindanê da: Dêrsim Oremar
Komîteya Nivîskarên Jin: Dilşa Yûsûf
Komîteya Nivîskarên ji bo Aştîyê: Çîmen Mûrad
Komîteya Nivîskarên Mafên Ziman û Wergerê: Resûl Geyîk
Komîteya Nivîskarên li derveyî Welat: Jîyar Cîhanferd
Komîteya Peywendîyên Kurdistanî: Kakşar Oremar
Komîteya Malpera Pena Kurd: Dilşad Xoşnaw
Komîteya Medya û Ragihandinê: Behar Muftî
