Infowelat Enformasyon Ji Bo Welat
Gotarên Têkildar
A.Rahman Çelîk
Biryara PKKê ya xwefesixkirin û çekberdanê li cîhanê bi xweşbînî hat pêşwazîkirin.
Ji Yekîtiya Ewrûpayê heta Almanya û Amerîkayê, gelek rayedar û siyasetmedarên cîhanê desteg dan biryarê.
Biryara PKKê wekî biryareke dîrokî tê nirxandin, bes ji Tirkîyeyê jî tê xwestin rûmetê bide biryarê û ji bo çareseriya siyasî hin gavan bavêje.
Yekitîya Ewrûpayê
Biryara çekberdanê û xwefesihkirina PKKê ya di encama Kongreya 12. de girt, li cîhanê bi xweşbînî hat pêşwazîkirin.
Gelek rayedar û siyasetmedaran desteg dan biryarê.
Yekîtiya Ewrûpayê biryar wekî gaveke erênî ya ber bi çareseriya mayînde rave kir.
Berdevkê Têkîliyên Derve Anouar El Anouni bi daxuyaniyekê diyar kir ku biryara PKKê ya xwefesihkirinê gaveke erênî ya ber bi çareseriya mayînde ye û pêvajoyeke aştiyê ya jêbawer dide destpêkirin.
Parlamenterê Baske yê Parlemana Ewrûpayê Pernando Barrena jî bi peyameke vîdeoyê destnîşan kir ku PKKê gaveke wêrek û girîng avêtiye.
Fernando Barrena hashtaga #FreeÖcalan #BijiKurdistan parve kir û got: Êdî dor li ser Tirkiyê û Yekîtiya Ewrûpayê ye. Tirkiye û Yekîtiya Ewrûpayê ji bona Abdullah Ocalan serbest bê berdan û PKK ji lîsteya terorê bê derxistin, lazim e berpirsiyariyê hildin ser xwe.”
Biryara PKK ya pêvajoya siyasî ya Tirkiyê yekser guherand, li nav siyaseta Almanyayê jî deng veda.
Almanya
Wezareta Karên Derve ya Almanyayê di hesabê medyaya civakî de peyamek par ve kir, got: Biryara PKKê ji bo fitloneka şîddetê ya bi dehên salan li Tirkiyê û herêmê dewam dike bê şikenandin gaveke girîng e.
Wezaretê pê re jî got: “Ji bo çareseriyeke pêkan pêdivî bi kiryarên bêkêmanî û pêvajoyeke siyasî heye.”
Parlementerê Partiya Demokratên Sosyal a şirîkê koalisyona Hikûmeta Federal Macit Karaahmetoglu biryara PKKê ya çekberdan û xwefesihkirinê wekî biryareke dîrokî û erênî rave kir.
Pê re jî got: “Tê zanîn ku hikûmeta Tayyib Erdogan ji bo Kurdan bikişîne aliyê xwe nêzî vê pêvajoyê dibe. Lê belê eger ji dil nêzî pêvajoyê bibe, şensekî wî ya rasteqîn heye ku serdemeke din li deshilatê bimîne.”
Berdevka polîtîkaya navxweyî ya Partiya Keskan Lamya Kadorê jî bi peyamekê got: “Biryara PKKê hêviyê dide. Kurdên li Tirkiyê a soxî wê bigihîjin mafên xwe.”
Lamya Kadorê pê re jî got: “Biryar wê bandorê li ewlekarî û îstikrara Sûriyê jî bike.”
Siyasetmedarê Partiya Keskan Cem Ozdemirê ku hi hikûmeta berê de wekî Wezîrê Çandiniyê kar kir, biryar bi kêfxweşî pêşwazî kir.
Cem Ozdemir got: “Ji bo aştî karibe di navbera Tirk û Kurdan de bê sazkirin, pêwîstî heye ku di hişmendiya amûra dewleta Tirk de guherîn pêk were.”
Cem Ozdemir hêviya xwe ya ku bila hemû welatiyên Tirkiyê di nava ewlehî û aramiyê de bijiyin anî ziman û pê re jî got: “Ji bo vê yekê lazim e hemû kêmarên etnîk û olî bên naskirin, zilma li ser muxalifên siyasî bê bidawîkirin û Selahattîn Demirtaş û Osman Kavala serbest werin berdan.”
Partiya Çep A Alman Die Linkeyê jî peyama parlementer Cansu Ozdemir par ve kir û piştevanî da biryara PKKê ya xwefesihkirin û çekberdanê.
Cansu Ozdemir dibêje: “Niha dor a hikûmeta Tirk e: Pêvajoya aştiyê dema herdu alî bibin wek hev û mafên hevpar ên herdu aliyan bên naskirin, dibe aştiyeke layiqî navê xwe.”
Peyam weha dewam dike: “Ji ber vê sedemê divê Abdullah Ocalan serbest were berdan û bi garantiyên qanûnî rasterast bibe muhatabê pêvajoyê û pê re jî hemû mehkûmên siyasî serbest werin berdan.”
Amerîka
Amerîkayê biryara PKKê wekî biryareke nuqteya veguherînê rave kir.
Sefareta Amerîkayê ya li Anqereyê ji hesabê fermî daxuyaniyeke weha da, got: “Çekberdana PKK’ê mînakeke serkeftina şaristaniyê ye.”
Îrlanda
Berdevkê Karên Derve yê Sinn Feinê Donnchadh O Laoghaire li ser biryara PKK’ê diyar kir ku ew bi awayekî zelal piştgiriyê didin hewldanên ji bo pêkanîna pêvajoyek aştiyê, rêzgirtina dualî, edalet û wekheviyê û pê re jî got:
“Azadiya Abdullah Ocalan ji bo her lihevkirina siyasî pir girîng e. Divê civaka navneteweyî di pêşvebirina aştiyê de roleke avaker bilîze.”
Foto: Alên welatên endam ên Yekitîya Ewrûpayê
