Infowelat Enformasyon Ji Bo Welat
Gotarên Têkildar
Zanîngeha Cambridgeê ensîklopediyeke li ser kurdan weşand. Ensîklopediya ku edîtoriya wê ji aliyê Anita Burdett hatiye kirin, ji 13 cîltan pêk tê û ji Çileya 2016’an pê ve dikare bê peydekirin.
Ensîklopediya bi navê “Agahiyên li ser kurdan: Ax Serhildan û Neteweperestî, 1831-1979 ji neh hezar rûpelan pêk tê. Di nava van neh hezar rûpelan de serhildanên ewilî yên kurdan ên li dijî dewletên herêmî û emperyalîst, têkiliyên kurdan bi komên etnîk ên cîran re, pêkhatina neteweperestiyê û serhildanên di sedsala 19’emîn de û yên piştî Şerê Cîhanê yê Yekemîn bi berfirehî cî digire.
Ji bilî agahiyan nexşe jî di ensîklopediyê de cî digirin. Agahiyên di ensîklopediyê de li gorî naverok û kronolojiyê hatine rêzkirin. Bi mebesta amadekirina ensîklopediyê, ji arşîvên berfireh ên hikumeta brîtanî sûd hatiye wergirtin. Her 13 cîltên ensîklopediyê bi formata e-pirtûkê jî dikare bê peydekirin.
Înfowelat
