Ajansa Wêjeyê ya Eulama ragihand ku dê mafên wêjeyî ya navneteweyî ya Suzan Samanciyê, ku yek ji pêşenga wêjeya kurd a hemdem e, bigire ser xwe.
Samanci li gel gelek romanan xwedan gelek kurteçîrokan e jî. Berhemên wê yên ku bi gelemperî temayên wekî nasname, şîdet, bîr û mişextê di nav xwe de dihewandin sînorên Tirkiyeyê derbas kirine û li derveyî Tirkiyeyê hatine ecibandin. Her wiha gelek berhemên wê bi çend zimanan hatine wergerandin.
Yek ji berhemên wê ya ku balê dikişîne Bajarê Qerase yê Tarî (Koca Karanlik Kent) ye. Ev berhema ku bi şêwazeke helbestî û bi hişmendiyeke xurt a siyasî hatiye karakterîzekirin şêwaza xwe ya resen dide der. Rexnegir her ku diçe berhemên Samanciyê di nava nîqaşên gerdûnî yên berfireh ên li ser wêjeya polîtîk û postkolonyal de dinirxînin.
Eulamaya ku di sala 1962yan de ji aliyê Harald Kahnemann û Karin van Prellwitz ve hatiye damezirandin da xuyand ku di mehên pêş me de dê berhemên Samanciyê di nav girseyeke mezintir a navneteweyî de bidin naskirin û bi vî awayî dê hebûna nivîskar a di bazarên weşangeriya gerdûnî de were xurtkirin.
Suzan Samanci kî ye?
Suzan Samanci, nivîskareke kurd e. Di sala 1979an de dest bi nivîsê kiriye û cara ewil di sala 1985an de helbestên xwe weşandine. Bi pirtûka xwe ya di sala 1993yan de bi navê Ji Hêlînê Bêhna Reçîneyê Dihat (Reçine Kokuyordu Helîn) hatibû weşandin tê naskirin. Pirtûka navborî qala jiyana li Ameda di nav pevçûnan de dike. Nivîskara ku bi gelemperî bi zimanê tirkî dinivîse bala xwe dide nasnameya kurd û cerebeyên jinan. Di sala 1997an de Xelata Wêjeyê ya Orhan Kemal wergirtiye û ji sala 1998an vir ve li Cenevê wekî penaber jiyana xwe didomîne.
Foto: Suzan Samanci
Infowelat Enformasyon Ji Bo Welat
