Infowelat Enformasyon Ji Bo Welat
Gotarên Têkildar
A.Rahman Çelîk
Encamên êrîşên li dijî elewîyên li Sûrîyeyê giran dibin.
Çavdêriya Mafên Mirovan A Sûriyê dîyar dike, zêdetirî hezar kes hatin kuştin.
Di nava kesên hatine kuştin de gelek jin û zarok jî hene.
Hêzên bi ser HTŞê ve êrişên li xwe yên başûr û peravên Suriyeyê didomînin.
Hedefa êrişên hovane tepisandina reaksîyonên alîgirên rejîma Baasê ya kevn e.
Çavdêriya Mafên Mirovan A Sûriyeyê ragihand, ji 6ê adarê û vir ve ji hezarî zêdetir sivîl hatine kuştin.
Heman çavkanî dibêje, ji hêzên elewiyan û hêzên girêdayî rêveberiya Şamê herî kêm 481 kes hatine kuştin.
Çavkaniyên herêmê dibêjin hîna neketine gelek malan, lewma jî hejmara rast a qurbaniyan nayê zanîn.
Serokê HTŞê û hikûmeta demkî ya Şamê Mûhemmed Colanî hişyariya “şerê navxweyî” da got:
“Hewildanên heyî Sûriyê ber bi şerê navxweyî dibe.”
Colanî got, “Sûriye wê yekpare bimîne. Em ê destûrê nedin yekîtiya netewî û aştiya civakî xera bibe.”
Herwiha, lîderê îslamîst soza lidarxistina vekolîneke objektîf a li ser komkujîya li peravê da.
Li alîyekî din, hikumeta Şamê ya di destên HTŞê de ye, şêniyên Lazqîye û Tartûsê û herêmên din ên peravê re têkeve nava diyalogê, komîteyeke bilind damezrand.
Reaksîyona Amerîka û Almanyayê
Hikûmeta Elmanyayê qetlîama heyî ya li ser sivîlan wekî “şokê” pênase kir.
Wezareta Karên Derve ya Almanyayê daxwaz ki ku rê li ber êrîşan bê girtin berpirs bên cezakirin.
Êrîşên li dijî elewiyên Sûriyeyê Rûsya û Amerîkayê jî xist nava tevgerê.
Her du welat ji Konseya Ewlekariyê ya Neteweyên Yekbûyî xwestin, ji bo Sûriyê civîneke lezgîn li dar bixe.
Wezîrê Karên Derve yê Amerîkayê Marco Rubio jî şermezarî da “komên radîkal ên Îslamîst” û wan wekî faîlên qetlîaman nîşan da.
Wezîrê Amerîkayê ji hikûmeta demkî xwest ku hesab van faîlên qetlîaman bipirse.
Marco Rubio pê re jî sersaxî ji malbatên qurbaniyan xwest û got:
“Xrîstiyan, durzî, elewî û kurd jî di nav de, Amerîka li nik kêmarên olî û etnîkî disekine.
————————————————-
Foto: Komeke endamên HTŞê
